വർക്കല താലൂക്ക് ആശുപത്രിയിൽ നിന്ന് രോഗിയുമായി തിരുവനന്തപുരം മെഡിക്കൽ കോളേജിലേക്ക് പോവുകയായിരുന്ന ആംബുലൻസും വർക്കല ഭാഗത്തുനിന്ന് വന്ന സ്വിഫ്റ്റ് ഡിസയർ കാറുമാണ് കൂട്ടിയിടിച്ചത്. കുരക്കണ്ണി സ്വദേശി സിനാൻ ഓടിച്ച ആംബുലൻസിലുണ്ടായിരുന്ന രോഗിയുടെ കൂട്ടാളിക്ക് നിസ്സാര പരിക്കേറ്റു. കാറിലുണ്ടായിരുന്നവർക്കും പരിക്കേറ്റിട്ടുണ്ട്.
അപകടത്തിന് പിന്നാലെ കാർ ഡ്രൈവർ സംഭവസ്ഥലത്തുനിന്ന് ഓടി രക്ഷപ്പെട്ടു. ഇയാൾ മദ്യപിച്ചിരുന്നതായി പ്രദേശവാസികൾ ആരോപിച്ചെങ്കിലും പോലീസ് ഇക്കാര്യം സ്ഥിരീകരിച്ചിട്ടില്ല. പോലീസ് സ്ഥലത്തെത്തി അന്വേഷണം ആരംഭിക്കുകയും ഓടിപ്പോയ ഡ്രൈവർക്കായി തിരച്ചിൽ ഊർജിതമാക്കുകയും ചെയ്തു.
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.