മുളമുക്കിൽ സഹോദരങ്ങൾ സഞ്ചരിച്ചിരുന്ന ബൈക്ക് അപകടപ്പെട്ട് അനുജൻ മരിച്ചു

നെടുമങ്ങാട്: സഹോദരങ്ങൾ സഞ്ചരിച്ചിരുന്ന ബൈക്ക് അപകടപ്പെട്ട് അനുജൻ മരിച്ചു. ജ്യേഷ്ഠനൻ പരിക്കുകളോടെ ചികിത്സയിൽ. നെടുമങ്ങാട് മണക്കോട് ശ്രീകല വിലാസത്തിൽ ആർ എസ് സുരാജ് (20)ആണ് മരിച്ചത്. ജ്യേഷ്ഠൻ ആർ എസ് രാഹുലാണ്(23) ചികിത്സയിരുള്ളത്. ശനിയാഴ്ച രാത്രി 11.30ന് വേങ്കോട് എസ് യു ടി ആശുപത്രിക്കു സമീപം മുളമുക്കിലായിരുന്നു അപകടം.

 

സുഹൃത്തിന്റെ ഇന്ധനം തീർന്ന് വഴിയിലായ ബൈക്കിന് പെട്രോൾ വാങ്ങാൻ വട്ടപ്പാറയിലേക്ക് പോകുകയായിരുന്നു ഇവർ. രാഹുലാണ് ബൈക്ക് ഓടിച്ചിരുന്നത്.ബൈക്കിന്റെ ഡ്രം പൊട്ടി നിയന്ത്രണം വിട്ട് ഇരുവരും സമീപത്തെ ഓടയിലേക്ക് തെറിച്ചു വീണു. സുരാജിന്റെ തലക്കും രാഹുലിന്റെ കാലിലും നട്ടെല്ലിലും പരിക്കേറ്റു. തലക്ക് ഗുരുതരമായി പരിക്കേറ്റ സുരാജ് അർദ്ധരാത്രിയോടെ പട്ടത്തെ സ്വകാര്യ ആശുപത്രിയിൽ മരിച്ചു. പോസ്റ്റ്മോർട്ടം നടപടികൾക്ക് ശേഷം മൃതദേഹം ഞായർ വൈകിട്ടോടേ സംസ്കരിച്ചു. അച്ഛൻ: കെ രാജേന്ദ്രൻ (റിട്ട.ഡ്രൈവർ, ദേശാഭിമാനി). അമ്മ: സുമ.

വാർത്തകൾ വാട്സ്ആപ്പിൽ ലഭിക്കുവാൻ ക്ലിക്ക് ചെയ്യൂ