കഴിഞ്ഞ ദിവസം എസ്.എഫ്.ഐ നടത്തിയ പഠിപ്പുമുടക്കിനോടനുബന്ധിച്ച് ആനാട് സംഘർഷാവസ്ഥ സൃഷ്ടിക്കാനുള്ള ശ്രമങ്ങൾ നടന്നതായി പരാതിയിൽ പറയുന്നു. കെ.എസ്.യുവിന്റെയും കോൺഗ്രസിന്റെയും ഫ്ലക്സ് ബോർഡുകളും കൊടിതോരണങ്ങളും വ്യാപകമായി നശിപ്പിക്കുകയും പെട്രോൾ ഒഴിച്ച് കത്തിക്കുകയും ചെയ്തു. തുടർന്ന് വൈകുന്നേരത്തോടെ സി.പി.എം, എസ്.എഫ്.ഐ, ഡി.വൈ.എഫ്.ഐ, മഹിളാ അസോസിയേഷൻ എന്നിവയുടെ ആഭിമുഖ്യത്തിൽ നടന്ന പ്രകടനത്തിന് ശേഷവും ആനാട് ബാങ്ക് ജംഗ്ഷനിലേക്ക് വീണ്ടും പ്രകടനം നടത്തുകയും പാർട്ടി പതാകകളും തോരണങ്ങളും പെട്രോൾ ഒഴിച്ച് കത്തിക്കുകയുമുണ്ടായി.
പ്രദേശത്തെ സമാധാന അന്തരീക്ഷം തകർക്കാൻ ആസൂത്രിതമായ പ്രകോപനങ്ങളും പ്രസംഗങ്ങളുമാണ് നടന്നതെന്ന് നേതാക്കൾ ആരോപിക്കുന്നു. തുടർന്ന് സംഘർഷാവസ്ഥ സൃഷ്ടിക്കുന്നതിന്റെ ഭാഗമായി ഇൻസ്റ്റാഗ്രാം അക്കൗണ്ടുകൾ വഴി വീഡിയോകൾ പ്രചരിപ്പിച്ചതായും പരാതിയിൽ ചൂണ്ടിക്കാട്ടുന്നു.
സംഭവത്തിന് നേതൃത്വം നൽകിയവർക്കെതിരെ അടിയന്തരമായി കർശന നിയമനടപടി സ്വീകരിക്കണമെന്ന് യു.ഡി.എഫ് ആനാട് ചെയർമാൻ ആനാട് സുരേഷ്, യൂത്ത് കോൺഗ്രസ് ആനാട് മണ്ഡലം പ്രസിഡന്റ് ആനന്ദ് ആർ. നായർ, കെ.എസ്.യു തിരുവനന്തപുരം ജില്ലാ സെക്രട്ടറി അഭിഷേക് ആനാട് എന്നിവർ പോലീസിനോട് ആവശ്യപ്പെട്ടു.
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.