ആര്യനാട്: ടിക്കറ്റ് തുകയിൽ ഒരു രൂപയുടെ കുറവുണ്ടായതിന്റെ പേരിൽ പ്ലസ് വൺ വിദ്യാർഥിയെ കെ.എസ്.ആർ.ടി.സി ബസിൽ നിന്ന് കണ്ടക്ടർ നിർബന്ധപൂർവം ഇറക്കിവിട്ടതായി പരാതി. കഴിഞ്ഞ ദിവസം ആര്യനാടാണ് സംഭവം നടന്നത്.
യാത്രയ്ക്കിടെ ടിക്കറ്റെടുക്കുമ്പോൾ വിദ്യാർഥിയുടെ കൈയിൽ ഒരു രൂപ തികയാതെ വരികയായിരുന്നു. തുടർന്ന് ലക്ഷ്യസ്ഥാനത്ത് എത്തുന്നതിന് മുൻപ് തന്നെ ബസിൽ നിന്ന് ഇറങ്ങാൻ കണ്ടക്ടർ വിദ്യാർഥിയോട് ആവശ്യപ്പെടുകയായിരുന്നു.
"ഇവിടെ ഇറങ്ങിക്കോ, ഇതാണ് നിന്റെ സ്റ്റേഷൻ എന്ന് കണ്ടക്ടർ പറഞ്ഞു. ബസിൽ നിന്ന് ഇറങ്ങില്ലെന്ന് ഞാൻ പറഞ്ഞപ്പോൾ, 'നിന്റെ മനസ്സിലുള്ളത് എനിക്ക് അറിയാമോ' എന്ന് ചോദിച്ചാണ് എന്നെ നിർബന്ധിച്ച് ഇറക്കിവിട്ടത്," എന്ന് വിദ്യാർഥി പറഞ്ഞു.
സ്കൂൾ വിദ്യാർഥികളോട് കെ.എസ്.ആർ.ടി.സി ജീവനക്കാരുടെ ഭാഗത്തുനിന്നുണ്ടാകുന്ന ഇത്തരം മോശം പെരുമാറ്റത്തിനെതിരെ വലിയ പ്രതിഷേധമാണ് ഉയരുന്നത്. സംഭവത്തിൽ കെ.എസ്.ആർ.ടി.സി ഉന്നതാധികൃതർക്കും പൊലീസിനും പരാതി നൽകാനാണ് വിദ്യാർഥിയുടെയും കുടുംബത്തിന്റെയും തീരുമാനം.
വാർത്തകൾ വാട്സ്ആപ്പിൽ ലഭിക്കുവാൻ ക്ലിക്ക് ചെയ്യൂ
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.