പ്രിയദർശിനി സർവീസ് ആരംഭിച്ചതോടെ നെടുമങ്ങാട്, പാലോട് ഭാഗങ്ങളിൽ നിന്നുള്ള ബസുകളെല്ലാം ഫുട്ബോഡിൽ പോലും യാത്രക്കാരുമായി തിങ്ങിനിറഞ്ഞാണ് ഓടുന്നത്. ബസുകളിൽ തികച്ചും സ്ഥലമില്ലാത്തതുകൊണ്ടാണ് പലതും സ്റ്റോപ്പിൽ നിർത്താത്തത്. സ്ത്രീകൾക്ക് സൗജന്യ യാത്രയായതിനാൽ ഈ റൂട്ടിൽ അനാവശ്യ യാത്രകളും തിരക്കും അനാവശ്യമായി വർദ്ധിച്ചതായി നാട്ടുകാരും ജീവനക്കാരും ആരോപിക്കുന്നു. ഈ പ്രതിസന്ധിക്ക് ശാശ്വത പരിഹാരമായി കൂടുതൽ പ്രിയദർശിനി സർവീസുകൾ ഈ റൂട്ടിൽ സ്കൂൾ സമയങ്ങളിൽ അനുവദിക്കാൻ അധികൃതർ അടിയന്തരമായി തയ്യാറാകണമെന്ന ആവശ്യം ശക്തമാണ്.
ബസുകളിലെ തിരക്ക് കുറയാൻ വൈകുന്നേരം ആറ് മണിയാകും. അതിനുശേഷമെത്തുന്ന ബസുകളിൽ കയറി വിതുര, പാലോട് ജംഗ്ഷനുകളിൽ ഇറങ്ങി സ്വകാര്യ വാഹനങ്ങളെ ആശ്രയിച്ചാണ് കുട്ടികൾ വീടുകളിലെത്തുന്നത്. ഫാസ്റ്റ് പാസഞ്ചർ ബസുകളിലും കുട്ടികളെ കയറ്റാൻ ജീവനക്കാർ തയ്യാറാകുന്നില്ല. സ്കൂൾ അധികൃതർ വിവിധ ഡിപ്പോകളിൽ നിരന്തരം പരാതി നൽകിയിട്ടും യാതൊരു മാറ്റവുമുണ്ടാകാത്തതിനെ തുടർന്ന്, കഴിഞ്ഞ ദിവസം നാട്ടുകാരും സ്കൂൾ ജീവനക്കാരും ചേർന്ന് ബസ് തടഞ്ഞുനിർത്തി കുട്ടികളെ കയറ്റാൻ ശ്രമിച്ചത് ആനാട് ജംഗ്ഷനിൽ സംഘർഷത്തിനും ഗതാഗതക്കുരുക്കിനും ഇടയാക്കിയിരുന്നു. ഇതിനിടെ പ്രകോപിതരായ ജീവനക്കാർ ബസ് മുന്നോട്ടെടുക്കാൻ തയ്യാറാകാതെ നിലയുറപ്പിക്കുകയും ചെയ്തു. സ്കൂൾ സമയത്ത് വിദ്യാർത്ഥികൾക്കായി പ്രത്യേക സർവീസുകൾ ആരംഭിക്കണമെന്നും കൂടുതൽ പ്രിയദർശിനി ബസുകൾ അനുവദിക്കണമെന്നും ആവശ്യപ്പെട്ട് രക്ഷാകർത്താക്കളും സ്കൂൾ അധികൃതരും ഗതാഗത മന്ത്രിയെ കാണാൻ ഒരുങ്ങുകയാണ്.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.