തിരുവനന്തപുരം: കെഎസ്ആര്ടിസി ബസുകളില് ഇനി ഗൂഗിള് പേ വഴിയും ബാങ്ക് കാര്ഡുകള് വഴിയും ടിക്കറ്റിന് പണം നല്കാം. ഓണ്ലൈന് വഴി ടിക്കറ്റിന് പണം നല്കുന്നതിന്റെ പരീക്ഷണം ഇന്ന് മുതല് തുടങ്ങും. ആദ്യഘട്ടമെന്ന നിലയില് തിരുവനന്തപുരം ജില്ലയിലെ സ്വിഫ്റ്റ് ബസുകള് ഉപയോഗിച്ച് ഓപറേറ്റ് ചെയ്യുന്ന 90 സിറ്റി സര്ക്കുലര് സര്വീസുകളിലും പോയിന്റ് ടു പോയിന്റ് സര്വീസുകളിലും പരീക്ഷണാര്ഥം ഓണ്ലൈന് പണമിടപാട് ഇന്നുമുതല് ആരംഭിക്കും.
ചലോ മൊബിലിറ്റി സൊല്യൂഷന്സ് പ്രൈവറ്റ് ലിമിറ്റഡ് കമ്പനിയാണ് കെഎസ്ആര്ടിസിക്ക് ഇതിന് സംവിധാനം ഒരുക്കി നല്കുന്നത്. യാത്രക്കാര്ക്ക് യുപിഐ, ഡെബിറ്റ് അല്ലെങ്കില് ക്രെഡിറ്റ് കാര്ഡുകള്, ചലോ ആപ്ലിക്കേഷനിലെ ചലോപേ ആന്ഡ് വാലറ്റ് എന്നീ സംവിധാനങ്ങളുപയോഗിച്ചും ടിക്കറ്റ് എടുക്കാവുന്നതാണ്. പ്രസ്തുത ബസുകളുടെ ലൈവ് ലൊക്കേഷനും ചലോ ആപ്ലിക്കേഷനിലൂടെ അറിയുവാന് സാധിക്കും.
.png)
ഈ സേവനങ്ങള്ക്ക് കെഎസ്ആര്ടിസിക്ക് ഒരു ടിക്കറ്റിനു 13.7 പൈസയും ജി എസ് ടിയും മാത്രമാണ് ചെലവാകുന്നത്. പരീക്ഷണ ഘട്ടത്തില് ഏതെങ്കിലും പോരായ്മകളോ അപാകതകളോ ശ്രദ്ധയില് പെട്ടാല് ആയത് പൂര്ണമായും പരിഹരിച്ച ശേഷമാകും ഒദ്യോഗികമായി നടപ്പില് വരുത്തുക.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.