ആനപ്പാറ: കട്ടിലില് തീ പടര്ന്ന് കിടപ്പുരോഗിയായ വയോധികന് വെന്ത് മരിച്ചു. ആനപ്പാറ കാരിക്കുന്ന് റോഡരികത്ത് വീട്ടില് തങ്കപ്പന്(74)ആണ് മരിച്ചത്. സമീപത്തെ പ്ലാസ്റ്റിക് ടീപ്പോയില് കത്തിച്ചുവെച്ച മെഴുക് തിരിയില് നിന്ന് തീ പടര്ന്ന് കട്ടിലിലെ പ്ലാസ്റ്റിക് കത്തിയതാകാം എന്നാണ് പ്രാഥമിക നിഗമനം.ബുധനാഴ്ച രാവിലെയാണ് വൃദ്ധനെ മരിച്ച നിലയില് കണ്ടെത്തിയത്.
തങ്കപ്പന്റെ ഭാര്യ ഷേര്ലി ഒരു വര്ഷം മുമ്പ് മരിച്ചിരുന്നു. മകള് താമസിക്കുന്ന വീട്ടില് നിന്ന് എല്ലാ ദിവസവും വയോധികന് ഭക്ഷണം കൊണ്ട് നല്കാറുണ്ടായിരുന്നു. രാവിലെ ഏഴ് മണിയോടെ ചായ കൊടുക്കാന് മകൾ മുറിയിലേക്ക് കയറിയപ്പോഴാണ് വെന്തെരിഞ്ഞ നിലയില് മൃതദേഹം കണ്ടത്.
സ്ഥിരമായി മെഴുക് തിരി കത്തിച്ചു വെയ്ക്കുന്ന ശീലം തങ്കപ്പന് ഉണ്ടായിരുന്നതായി ബന്ധുക്കള് പറഞ്ഞു. കട്ടിലും സമീപത്തുണ്ടായിരുന്ന ടീപ്പോയും പൂര്ണ്ണമായും കത്തി നശിച്ചിരുന്നു. ഫൊറന്സിക് അധികൃതര് സ്ഥലത്തെത്തി പരിശോധന നടത്തി.
.png)
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.