ലെയ്ൻ ട്രാഫിക് സംവിധാനം കർശനമായി പാലിക്കേണ്ടതിൻറെ ആവശ്യകത ചെക്പോസ്റ്റുകളിലും ടോൾബൂത്തുകളിലും വെച്ച് ട്രക്ക് ഉൾപ്പെടെയുളള ഹെവി വാഹന ഡ്രൈവർമാരെ ബോധ്യപ്പെടുത്താൻ എല്ലാ ജില്ലാ പോലീസ് മേധാവിമാരും നടപടി സ്വീകരിക്കണം. ലെയ്ൻ ട്രാഫിക് സംവിധാനത്തിൻറെ പ്രായോഗികതയും ആവശ്യകതയും യാത്രക്കാരെയും ഡ്രൈവർമാരെയും ബോധ്യപ്പെടുത്താനായി ക്യാമ്പയിൻ ആരംഭിക്കും. ജില്ലാ പോലീസ് മേധാവിമാർ ഇതിന് മേൽനോട്ടം വഹിക്കും.
നിയമം നടപ്പാക്കുന്നതിനായി വാഹനങ്ങൾ തടഞ്ഞുനിർത്തേണ്ടതില്ലെന്ന് നിർദ്ദേശിച്ചിട്ടുണ്ട്. പകരം വീഡിയോ ക്യാമറ, ഡാഷ് ക്യാമറ, ശരീരത്തിൽ ധരിക്കുന്ന ക്യാമറ എന്നിവ ഉപയോഗിക്കും. നമ്പർപ്ലേറ്റ് തിരിച്ചറിയാനുളള ക്യാമറകൾ നിലവിലുളള സ്ഥലങ്ങളിൽ അവയുടെ സേവനവും വിനിയോഗിക്കും. വാഹന പരിശോധന പൊതുജനങ്ങൾക്ക് ബുദ്ധിമുട്ട് ആകാത്ത തരത്തിൽ വേണമെന്നും നിർദ്ദേശമുണ്ട്.
നിയമലംഘനം സംബന്ധിച്ച ചിത്രങ്ങളും വീഡിയോകളും ശുഭയാത്ര ഹെൽപ് ലൈൻ ആയ 9747001099 എന്ന നമ്പരിലേക്ക് വാട്സ് ആപ്പ് ആയി അയയ്ക്കാം. ഇങ്ങനെ ലഭിക്കുന്ന വിവരങ്ങളിൽ നിയമനടപടി സ്വീകരിക്കും.
പദ്ധതിയുടെ ഏകോപനച്ചുമതല ക്രമസമാധാന വിഭാഗം എ.ഡി.ജി.പി, ട്രാഫിക് ഐ.ജി എന്നിവർ നിർവ്വഹിക്കും. നിർദ്ദേശങ്ങളിൻമേൽ സ്വീകരിച്ച നടപടികൾ എല്ലാ ജില്ലാ പോലീസ് മേധാവിമാരും ഡിസംബർ 15 ന് സംസ്ഥാന പോലീസ് മേധാവിക്ക് നൽകണമെന്നും ആവശ്യപ്പെട്ടിട്ടുണ്ട്.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.