നെടുമങ്ങാട്: പത്താം ക്ലാസ് വിദ്യാർഥിനിയെ വീട്ടിലെ വീട്ടിനുള്ളിൽ തൂങ്ങി മരിച്ച നിലയിൽ കണ്ടെത്തി. വലിയമല പതിനാറാംകല്ല് ഷഹ്ദാൻ മനസിലിൽ ഇസ്മായിൽ സഹീറിന്റെയും ഷാജയുടെയും മകൾ യുസ്ര ബിന്ദ് സാഹിർ(15) ആണ് മരിച്ചത്.
നെടുമങ്ങാട് ഗേൾസ് ഹയർ സെക്കൻഡറി സ്കൂളിലെ വിദ്യാർത്ഥിനി ആയിരുന്നു. ഇന്ന് രാവിലെ 10 മണിയോടെയാണ് സംഭവം. യുസ്ര തൂങ്ങി നിൽക്കുന്നത് കണ്ട ബന്ധുക്കൾ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മരണ കാരണം വ്യക്തമല്ല. കുട്ടിക്ക് മാനസിക പ്രശ്നം ഉള്ളതായി വലിയമല പോലീസ് പറയുന്നു. എന്നാൽ ഇതേപ്പറ്റി പ്രതികരിക്കാൻ ബന്ധുക്കൾ തയ്യാറായില്ല.
തഹസീൽദാരുടെ നേതൃത്വത്തിൽ ഇൻക്വസ്റ്റ് നടപടികൾ പൂർത്തിയാക്കി മൃതദേഹം പോസ്റ്റുമോർട്ടത്തിനായി മെഡിക്കൽ കോളേജ് ആശുപത്രിയിലേക്ക് മാറ്റി. നാളെ സ്കൂളിന് അവധി പ്രഖ്യാപിച്ചു.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.