മകളുടെ വിവാഹ ദിനത്തിൽ മാതാവ് മരിച്ചു

ചുള്ളിമാനൂർ: മകളുടെ വിവാഹ ദിനത്തിൽ മാതാവ് മരിച്ചു. ചുള്ളിമാനൂർ ആറാംപള്ളി ഷാന മനസിലിൽ നാസറുദീന്റെ ഭാര്യ സനൂജ (48)ആണ് മരിച്ചത്. ഇന്നലെ സനൂജയുടെ ഇളയമകൾ ഷാനയുടെ വിവാഹം നടന്നിരുന്നു. കല്യാണത്തിന് മുൻപായിരുന്നു സനൂജയുടെ മരണം. നെടുമങ്ങാട് ജില്ലാ ആശുപത്രിയിൽ സ്റ്റാഫ് നഴ്സയിരുന്ന സനൂജ കുറച്ചു നാളായി അർബുദരോഗം ബാധിച്ച് ചികിത്സയിലായിരുന്നു. കഴിഞ്ഞ ദിവസം അസുഖം മൂർച്ചിച്ചതിനാൽ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു. വിവാഹ ശേഷമാണ് മരണ വിവരം ബന്ധുക്കളെ അറിയിച്ചത്. വൈകീട്ട് നാലര മണിയോടെ ആറാംപള്ളിയിലെ വീട്ടിലെത്തിച്ച മൃതദേഹം ആറു മണിയോടെ ചുള്ളിമാനൂർ ജുമാ മസ്ജിദ് ഖബർ സ്ഥാനിൽ ഖബറടക്കി.

നെടുമങ്ങാട് ഓൺലൈൻ വാട്സ്ആപ് ഗ്രൂപ്പിൽ അംഗമാകാൻ ക്ലിക്ക് ചെയ്യൂ

സബ്സ്ക്രൈബ്

നെടുമങ്ങാട് ഓൺലൈൻ യൂട്യൂബ് ചാനൽ