വിതുര: വിതുര, തൊളിക്കോട് പഞ്ചായത്തുകളിൽ വൈദ്യുതി വിതരണം അടിക്കടിമുടങ്ങുന്നതായി പരാതി. മഴക്കാർ കണ്ടാൽ മണിക്കൂറുകളോളം വൈദ്യുതി നിലയ്ക്കുകയാണ് പതിവ്. കഴിഞ്ഞ ദിവസങ്ങളിൽ ഉച്ചതിരിഞ്ഞ് വിതുര മേഖലയിൽ വേനൽമഴ പെയ്തിരുന്നു. ഇതോടെയാണ് മണിക്കൂറുകളോളം വൈദ്യുതി വിതരണം തടസപ്പെട്ടത്. വൈദ്യുതി നിലച്ചതോടെ ഫ്രിഡ്ജിലും ഫ്രീസറിലും മറ്റും വാങ്ങി സൂക്ഷിച്ചിരുന്ന പാൽ ഉൾപ്പെടെയുള്ള ഭക്ഷ്യവസ്തുക്കൾ മുഴുവൻ കേടായി. ഇടയ്ക്കിടയ്ക്ക് വന്നുപോകുന്ന അവസ്ഥയിലായിരുന്നു വൈദ്യുതി വിതരണം. അതേസമയം മിക്ക ഭാഗത്തും വൈദ്യുതി ലൈനുകൾക്ക് മീതേ മരങ്ങൾ ഒടിഞ്ഞും, കടപുഴകിയും വീണു. പൊൻമുടി മേഖലയിൽ ഉൾപ്പെടെ വൈദ്യുതി വിതരണം നിലച്ചിരുന്നു. ആദിവാസി മേഖലകളിലും മണിക്കൂറുകൾ വൈദ്യുതി അപ്രത്യക്ഷമായി. വിതുര, തൊളിക്കോട് ഇലക്ട്രിക്സിറ്റി ഓഫീസുകളുടെ നേതൃത്വത്തിൽ ഇടയ്ക്കിടയ്ക്ക് രാവിലെ മുതൽ വൈകിട്ട് വരെ ലൈൻ ഓഫാക്കി ലൈനുകൾക്ക് മീതേയുള്ള മരശിഖരങ്ങൾ മുറിച്ചുമാറ്റാറുണ്ടെങ്കിലും മഴയും കാറ്റും വന്നാൽ ലൈനുകൾക്ക് മീതെ ശിഖരങ്ങൾ വീഴുക പതിവാണ്.
സബ്സ്ക്രൈബ്
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.