ബോണക്കാട് കുരിശുമലയിലേക്ക് തീർഥാടനത്തിന് തുടക്കമായി

ബോണക്കാട് കുരിശുമലയിലേക്കുള്ള അറുപത്തിയഞ്ചാം തീർഥാടനത്തിനു ഇന്നു തുടക്കമായി. ‘വിശുദ്ധ കുരിശ് സിനഡാത്മക പാതയിൽ സഹചാരി’ എന്ന ആപ്ത വാക്യം ഉയർത്തി നടത്തുന്ന തീർഥാടനം ഇക്കുറി രണ്ട് ഘട്ടങ്ങളിലായാണു നടത്തുന്നത്. ആദ്യ ഘട്ടം ഞായറാഴ്ച സമാപിക്കും. രണ്ടാം ഘട്ടം ദുഃഖ വെള്ളി ദിനമായ 15 നു നടക്കും. തീർഥാടനവുമായി ബന്ധപ്പെട്ട പ്രവർത്തനങ്ങൾക്കു കുരിശുമല റെക്ടർ ഫാ. എസ്.എം. അനിൽ കുമാർ, ഡയറക്ടർ മോൺ. റൂഫസ് പയസ്‌ലീൻ, ജനറൽ കൺവീനർ ഫ്രാൻസി അലോഷ്യസ്, സെക്രട്ടറി ബൈജു തെന്നൂർ എന്നിവർ അറിയിച്ചു. ഇന്നും നാളെയും മറ്റന്നാളും യഥാക്രമം നെടുമങ്ങാട്, ആര്യനാട്, ചുള്ളിമാനൂർ ഫെറോനകൾ ചടങ്ങുകൾ നിയന്ത്രിക്കും.

ഇന്ന് രാവിലെ 9.30 ന് നെയ്യാറ്റിൻകര രൂപത വികാരി ജനറൽ റൈറ്റ്. വെരി. റവ. മോൺ. ജി. ക്രിസ്തുദാസ് പതാക ഉയർത്തി. തുടർന്നു നെടുമങ്ങാട് ഫെറോന വികാരി റവ. ഫാ. സിറിൽ സി. ഹാരിസിന്റെ നേതൃത്വത്തിൽ ആഘോഷമായ സമൂഹ ദിവ്യബലി, ഫാ. അലക്സ് സൈമണിന്റെ നേതൃത്വത്തിൽ വചന പ്രഘോഷണം, ഫാ. സാബു ക്രിസ്റ്റിയുടെ നേതൃത്വത്തിൽ കുരിശിന്റെ വഴി എന്നിവ നടക്കും. നാളെ രാവിലെ 10 നു ആര്യനാട് ഫെറോന വികാരി ഫാ. ജോസഫ് അഗസ്റ്റിന്റെ നേതൃത്വത്തിൽ ആഘോഷമായ സമൂഹ ദിവ്യബലി, തുടർന്നു ഫാ. ജോയ് തോമസിന്റെ കാർമികത്വത്തിൽ വചന പ്രഘോഷണം, 11.30 നു ഫാ. റോഷൻ മൈക്കിളിന്റെ നേതൃത്വത്തിൽ കുരിശിന്റെ വഴി.

ശനിയാഴ്ച രാവിലെ 10 നു നടക്കുന്ന ആഘോഷമായ സമൂഹ ദിവ്യബലിക്കു കുരിശുമല റെക്ടർ ഫാ. എസ്.എം. അനിൽ കുമാർ കാർമികത്വം വഹിക്കും. തുടർന്നു വചന പ്രഘോഷണം, കുരിശിന്റെ വഴി, കുരിശിന്റെ ആശീർവാദം. ആദ്യ ഘട്ട തീർഥാടനത്തിന്റെ സമാപനം ദിനമായ ഞായറാഴ്ച രാവിലെ 1.30 നു കുരിശിന്റെ വഴി, 11.30 നു കുരിശുമല ഡയറക്ടർ മോൺ. റൂഫസ് പയസ്‌ലീന്റെ നേതൃത്വത്തിൽ ആഘോഷമായ സമൂഹ ദിവ്യബലി, തുടർന്നു വചന പ്രഘോഷണം. രണ്ടാം ഘട്ട തീർഥാടനം നടക്കുന്ന 15 നു രാവിലെ 8നു കുരിശിന്റെ വഴി, 9 ന് ഫാ. ജോൺസൺ ബെർലിയുടെ നേതൃത്വത്തിൽ പീഡാനുഭവ പ്രഭാഷണം. തുടർന്നു കുരിശാരാധന, കുരിശു വന്ദനം, സമാപന ആശീർവാദം.

സബ്സ്ക്രൈബ് നെടുമങ്ങാട് ഓൺലൈൻ യൂട്യൂബ് ചാനൽ