ആനാട്ട് ബൈക്കപകടത്തിൽ പരിക്കേറ്റ്​ ചികിത്സയിലായിരുന്ന യുവാവ് മരിച്ചു

ആനാട്: ബൈക്കപകടത്തിൽ പരിക്കേറ്റ്​ മെഡിക്കൽ കോളജ് ആശുപത്രിയിൽ ചികിത്സയിലായിരുന്ന യുവാവ് മരിച്ചു. ആനാട് ഇലഞ്ഞിമൂട് പത്മാലയത്തിൽ പരമേശ്വരൻ ആശാരി- ലളിത ദമ്പതികളുടെ മകൻ വിഷ്ണു (29) ആണ് മരിച്ചത്. ഇക്കഴിഞ്ഞ ഏഴിന് രാത്രി എട്ടോടെ ആനാട് നാഗചേരിക്ക് സമീപമായിരുന്നു അപകടം. വിഷ്ണു സഞ്ചരിച്ചിരുന്ന ബൈക്ക് മറ്റൊരു ബൈക്കിൽ തട്ടി നിയന്ത്രണം വിട്ട്​ കാറിൽ ഇടിക്കുകയായിരുന്നു. അലുമിനിയം ഫാബ്രിക്കേഷൻ തൊഴിലാളിയായിരുന്നു. ഭാര്യ: ലക്ഷ്മി രാജ്. മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾ ഏറ്റുവാങ്ങി സംസ്കരിച്ചു.