സ്ഥിരമായി വിദേശമദ്യം കൈവശം സൂക്ഷിച്ച് അനധികൃതമായി കച്ചവടം നടത്തിയയാളെ പോലീസ് അറസ്റ്റ് ചെയ്തു

വർക്കല: സ്ഥിരമായി വിദേശമദ്യം കൈവശം സൂക്ഷിച്ച് അനധികൃതമായി കച്ചവടം നടത്തി വരുകയായിരുന്നയാളെ പോലീസ് പിടികൂടി. മടവൂർ അടക്കോട്ട്കോണം സലിം മൻസിലിൽ സലീം(53)നെയാണ് പള്ളിക്കൽ പോലീസ് പിടികൂടിയത്. കഴിഞ്ഞദിവസം വൈകുന്നേരത്തോടെയാണ് പ്രതിയെ അറസ്റ്റ് ചെയ്തത്. പ്രതിയുടെ വീട്ടിലെ പറമ്പിൽ കുഴിച്ചിട്ട നിലയിൽ ഏഴ് കുപ്പി വിദേശമദ്യം പോലീസ് കണ്ടെടുത്തു. പ്രദേശത്തെ യുവാക്കളാണ് ഇയാളിൽ നിന്നും സ്ഥിരമായി മദ്യം വാങ്ങി ഉപയോഗിക്കാറുള്ളതെന്ന് പള്ളിക്കൽ പോലീസ് പറഞ്ഞു.

വർക്കല ഡിവൈഎസ്പി നിയാസ് പി യുടെ മേൽനോട്ടത്തിൽ പള്ളിക്കൽ സി.ഐ. ശ്രീജിത്ത്.എസ്, എസ് ഐ സഹിൽ.എം.എസ്, സി പി ഒമാരായ രാജീവ് മനോജ് എന്നിവരടങ്ങിയ സംഘമാണ് പ്രതിയെ പിടികൂടിയത് ആറ്റിങ്ങൽ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.