ആര്യനാട് ബസ് അപകടത്തിൽ ചികിത്സയിലായിരുന്നയാൾ മരണപ്പെട്ടു

ആര്യനാട്: ഈഞ്ചപ്പുരയില്‍ ഇന്ന് രാവിലെ കെഎസ്ആര്‍ടിസി ബസ് നിയന്ത്രണം വിട്ട് ബസ് കാത്തിരിപ്പ് കേന്ദ്രത്തിലേക്ക് ഇടിച്ചുകയറിയുണ്ടായ അപകടത്തില്‍ പരുക്കേറ്റ ഒരാള്‍ മരിച്ചു. ആര്യനാട് സ്വദേശി സോമന്‍ നായര്‍ ആണ് മരിച്ചത് . അപകടത്തില്‍ മറ്റ് അഞ്ചു കുട്ടികള്‍ക്ക് പരുക്കേറ്റിരുന്നു. പരുക്കേറ്റവരെ മെഡിക്കല്‍ കോളജ് ആശുപത്രിയിലേക്ക് മാറ്റിയിരുന്നു. ഗുരുതരമായി പരുക്കേറ്റ സോമന്‍ നായര്‍ ഉച്ചയോടെയാണ് മരിച്ചത്. മറ്റുള്ളവരുടെ പരുക്ക് സാരമുള്ളതല്ല.