നാളെ മോട്ടോർ വാഹന പണിമുടക്ക്

തിരുവനന്തപുരം: സംസ്ഥാനത്ത് നാളെ സംയുക്ത സമരസമിതിയുടെ നേതൃത്വത്തിൽ മോട്ടോർ വാഹന പണിമുടക്ക്. രാവിലെ ആറു മുതൽ വൈകിട്ട് ആറു വരെയാണ് പണിമുടക്ക് നടത്തുന്നത്. ഇന്ധന വില കുതിച്ചുയരുന്ന സാഹചര്യത്തിലാണ് പണിമുടക്കിന് ആഹ്വനം

ചെയ്തിരിക്കുന്നത്.

സംസ്ഥാനത്തെ പണിമുടക്കിൽ നിന്ന് പാൽ , പത്രം , ആംബുലൻസ് , വിവാഹം , പൊതു തിരഞ്ഞെടുപ്പുമായി ബന്ധപ്പെട്ട വാഹനങ്ങൾ ഒഴിവാക്കിയിട്ടുണ്ട് സംയുക്ത സമരസമിതി അറിയിച്ചിട്ടുണ്ട്.

അതേസമയം ബി.എം എസ് ഒഴികെയുള്ള എല്ലാ ട്രേഡ് യൂണിയനുകളും വാഹനഉടമകളും പണിമുടക്കിൽ പങ്കെടുക്കും. ഓട്ടോറിക്ഷ, ടാക്സി, ചെറുകിട വാഹനങ്ങൾ,  ചരക്കു കടത്തു വാഹനങ്ങൾ സ്വകാര്യ ബസ്, കെ.എസ്.ആർ.ടി.സി ബസുകൾ തുടങ്ങിയവ നിരത്തിലിറങ്ങിലെന്നും സംയുക്ത സമരസമിതി പറഞ്ഞു.