ഇടുക്കി: പള്ളിവാസല് പവര് ഹൗസില് പ്ലസ് ടു വിദ്യാര്ത്ഥിനി കൊല്ലപ്പെട്ട സംഭവത്തില് പ്രതിയെന്ന് സംശയിക്കുന്ന ബന്ധുവിനെ തൂങ്ങിമരിച്ച നിലയില് കണ്ടെത്തി. പ്രതിയെ സംശയിക്കുന്ന ബന്ധു അരുണിന്റെ (28) മൃതദേഹമാണ് പവര് ഹൗസിന് സമീപത്തെ നീണ്ട പാറ വണ്ടിത്തറയില് കണ്ടെത്തിയത്. പെണ്കുട്ടി കൊല്ലപ്പെട്ട സ്ഥലത്ത് നിന്ന് 150 മീറ്ററിനുള്ളില് ആളൊഴിഞ്ഞ വീടിന് മുന്നിലെ മരത്തില് നിന്നാണ് മൃതദേഹം കണ്ടെത്തിയത്.
കഴിഞ്ഞ ശനിയാഴ്ചയാണ് വണ്ടിത്തറയില് രാജേഷ്-ജെസി ദമ്പതികളുടെ മകള് രേഷ്മ(17)യെ പള്ളിവാസല് പവര് ഹൗസിന് സമീപം കുത്തേറ്റ് മരിച്ച നിലയില് കണ്ടെത്തിയത്. പ്രണയ നൈരാശ്യമാണ് കൊലപാതകത്തിന് കാരണമെന്ന് സംശയിക്കുന്നതായി പൊലീസ് വ്യക്തമാക്കിയിരുന്നു. സമീപത്തെ റിസോര്ട്ടിലെ സിസിടിവിയില് നിന്നും രേഷ്മയും ബന്ധു അനുവെന്ന് അറിയപ്പെടുന്ന അരുണും നടന്നുപോകുന്ന ദൃശ്യങ്ങള് പൊലീസിന് ലഭിച്ചിരുന്നു.
അന്നുമുതല് അരുണിന്റെ മൊബൈല് ഫോണ് സിച്ച് ഓഫ് ആയതും അന്വേഷണം അരുണിലേക്ക് നീങ്ങാന് കാരണമായി. എന്നാല് കൊലപാതകം നടന്ന് മൂന്ന് ദിവസം കഴിഞ്ഞിട്ടും പൊലീസിന് അരുണിനെ കണ്ടെത്താന് കഴിഞ്ഞിരുന്നില്ല. അരുണിന്റെ മുറിയില് നിന്നും ലഭിച്ച കത്തിലെ വിവരങ്ങളുടെ അടിസ്ഥാനത്തില് അരുണ് ആത്മഹത്യ ചെയ്യാന് സാധ്യതയുണ്ടെന്ന വിലയിരുത്തലിലായിരുന്നു പൊലീസ്.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.