നെടുമങ്ങാട്: നിയോജക മണ്ഡലത്തിലെ ഒൻപത് സ്കൂളുകൾക്കു ബസുകൾ വാങ്ങാനായി 1,18,29,400 രൂപ തന്റെ ആസ്തി വികസന ഫണ്ടിൽ നിന്നും സർക്കാർ അനുവദിച്ചതായി സി.ദിവാകരൻ എംഎൽഎ അറിയിച്ചു. തലയൽ ഗവ. എൽപിഎസ്, നെടുമങ്ങാട് ഗവ. ഗേൾസ് എച്ച്എസ്എസ്, കൊഞ്ചിറ ഗവ.യുപിഎസ്, പൂവത്തൂർ ഗവ. എച്ച്എസ്എസ്, ഇടമല ഗവ. യുപിഎസ്, കന്യാകുളങ്ങര ഗവ. എൽപിഎസ്, കൊല്ലംകാവ് ഗവ. എൽപിഎസ്, കരിച്ചാറ ഗവ.എൽപിഎസ്, അയിരൂപ്പാറ ഗവ.എച്ച്എസ്എസ് എന്നീ സ്കൂളുകൾക്കാണ് ബസുകൾ വാങ്ങാൻ തുക അനുവദിച്ചിരിക്കുന്നത്. ഈ വിദ്യാലയങ്ങൾക്കു നെടുമങ്ങാട്ട് ചേരുന്ന പൊതുയോഗത്തിൽ ബസുകളുടെ കൈമാറ്റം നടക്കുമെന്ന് അറിയിപ്പിൽ പറയുന്നു.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.