കരകുളം: കുട്ടികളുടെ കൈയിലെ സ്ക്രീൻ അവരുടെ പഠനത്തെയും കളികളേയും കുടുംബബന്ധങ്ങളെയും കീഴടക്കാതിരിക്കാൻ പുതിയൊരു സാമൂഹിക ഇടപെടലിന് കരകുളത്ത് തുടക്കമായി. കുട്ടികളിലെ അമിതസ്‌ക്രീൻ ഉപയോഗം നേരത്തേ തിരിച്ചറിയാനും ആരോഗ്യകരമായ ഡിജിറ്റൽ ശീലങ്ങൾ വളർത്തുക എന്ന ലക്ഷ്യത്തോടെയാണ് 'സ്മാർട്ട് സ്ക്രീൻ' പദ്ധതി നടപ്പാക്കുന്നത്.
കരകുളം ഗ്രാമപഞ്ചായത്തും വിൻസെൻഷ്യൻ സോഷ്യൽ സർവീസും ഇൻഫോബ്ലോക്‌സിന്റെ സി.എസ്.ആർ. പിന്തുണയോടെയാണ് ഈ വേറിട്ട പദ്ധതിക്ക് രൂപം നൽകിയിരിക്കുന്നത്. അഡ്വ. ജി.ആർ. അനിൽ എം.എൽ.എ പദ്ധതിയുടെ ഉദ്ഘാടനം നിർവഹിച്ചു. ചടങ്ങിൽ ഗ്രാമപഞ്ചായത്ത് പ്രസിഡന്റ് അജിത് കുമാർ അധ്യക്ഷത വഹിച്ചു. ജെ.എസ്. ശ്രീജ ചടങ്ങിൽ പദ്ധതിയുടെ ലോഗോ പ്രകാശനം ചെയ്തു.
കുട്ടികളിൽ വർദ്ധിച്ചുവരുന്ന സ്ക്രീൻ ആസക്തി ഒഴിവാക്കാനും അവരെ കളിയിലേക്കും ആരോഗ്യകരമായ ജീവിതശീലങ്ങളിലേക്കും തിരികെ കൊണ്ടവരാനും ലക്ഷ്യമിട്ടുള്ള ഈ പദ്ധതിക്ക് നാട്ടുകാരുടെ ഭാഗത്തുനിന്നും മികച്ച പിന്തുണയാണ് ലഭിക്കുന്നത്.
വാർത്തകൾ വാട്സ്ആപ്പിൽ ലഭിക്കുവാൻ ക്ലിക്ക് ചെയ്യൂ
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.