കഴിഞ്ഞദിവസം രാത്രി റിയാദ് ഷിഫയിലുള്ള പള്ളിയിൽ നിന്ന് ഇഷാ നമസ്കാരം നിർവഹിച്ച ശേഷം റോഡ് കുറുകെ കടക്കവേയാണ് ഷാജഹാനെ വാഹനം ഇടിച്ചുതെറിപ്പിച്ചത്. ഗുരുതരമായി പരിക്കേറ്റ അദ്ദേഹത്തെ ഉടൻ തന്നെ അടുത്തുള്ള ദല്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ദീർഘകാലമായി റിയാദിൽ ഹോട്ടൽ ജീവനക്കാരനായി ജോലി ചെയ്തുവരികയായിരുന്നു. പിതാവിന്റെ മരണവിവരമറിഞ്ഞ് ദുബായിലുള്ള മകൻ റിയാദിലേക്ക് തിരിച്ചു.
മൃതദേഹം നിയമനടപടികൾ പൂർത്തിയാക്കി നാട്ടിലെത്തിക്കുന്നതിനുള്ള ശ്രമങ്ങൾ പുരോഗമിക്കുകയാണ്. റിയാദ് കെ.എം.സി.സി വെൽഫെയർ വിങ് ചെയർമാൻ റഫീഖ് പുല്ലൂർ, റിയാദ് കെ.എം.സി.സി തിരുവനന്തപുരം ജില്ലാ പ്രസിഡന്റ് നവാസ് ഖാൻ ബീമാപള്ളി, ജുനൈദ് ഓമച്ചപ്പുഴ, സുഹൃത്തുക്കളായ സലീം, അഷ്റഫ് എന്നിവരുടെ നേതൃത്വത്തിലാണ് നടപടികൾ ഏകോപിപ്പിക്കുന്നത്.
പരേതരായ മുഹമ്മദ് യൂസുഫ്, ഷരീഫ ബീവി എന്നിവരാണ് മാതാപിതാക്കൾ. ഭാര്യ: ആബിദ ബീവി. മക്കൾ: മുജീബ് (ദുബായ്), മുഷ്താക്, മുംതാസ്.
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.