ആറാംകല്ല്: തിരുവനന്തപുരം - തെങ്കാശി അന്തർ സംസ്ഥാന പാതയിൽ കരകുളം ആറാംകല്ലിൽ കാറിന് മുകളിൽ മരം കടപുഴകി വീണ് പരുക്കേറ്റ സ്ത്രീ മരിച്ചു. തൊളിക്കോട് സ്വദേശിനി മോളി(42) ആണ് മരിച്ചത്. ചൊവ്വാഴ്ച രാത്രി എട്ടോടെയാണ് സംഭവം. ഗുരുതരമായി പരുക്കേറ്റ മോളിയെ തിരുവനന്തപുരം മെഡിക്കല് കോളേജ് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
വാഹനം ഒതുക്കി നിര്ത്തിയതിനുശേഷം സാധനം വാങ്ങാന് ഇറങ്ങവെയാണ് അപകടം ഉണ്ടായത്. അപകടത്തില് യുവതിക്കൊപ്പമുണ്ടായിരുന്ന ഭര്ത്താവിന് സാരമായി പരുക്കേറ്റു. മരം വീണപ്പോള് തന്നെ ഇയാള്ക്ക് ഇയാള്ക്ക് പുറത്തിറങ്ങാന് സാധിച്ചിരുന്നു. കാര് വെട്ടിപ്പൊളിച്ചാണ് മോളിയെ പുറത്തെടുത്തത്. അപകടത്തില്പ്പെട്ട കാര് പൂര്ണ്ണമായും തകര്ന്നു. സംഭവത്തെ തുടര്ന്ന് പേരൂര്ക്കട- വഴയില റോഡില് ഗതാഗതം തടസ്സപ്പെട്ടു.
.png)
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.