നെടുമങ്ങാട്: നവകേരള സദസ്സിന്റെ ഭാഗമായി നെടുമങ്ങാട് മണ്ഡലത്തിലെ ഹരിത കര്‍മ്മ സേനാംഗങ്ങൾ ഒത്തുചേർന്ന ഹരിത സംഗമം സംഘടിപ്പിച്ചു. പരിപാടി ലേബർ കമ്മീഷണർ ഡോ. കെ. വാസുകി ഉദ്ഘാടനം ചെയ്തു. ഹരിത കർമ്മസേന ലോകത്തിന് മുന്നിൽ കേരളത്തിന്റെ മാതൃകയായി വളരുകയാണെന്ന് ഡോ. കെ വാസുകി പറഞ്ഞു.
നെടുമങ്ങാട് മണ്ഡലത്തിലെ അണ്ടൂർക്കോണം, പോത്തൻക്കോട്, വെമ്പായം, മാണിക്കൽ, കരകുളം, പഞ്ചായത്തുകളിലെയും നെടുമങ്ങാട് നഗരസഭയിലെയും ഉൾപ്പെടെ 263 ഹരിത കർമ്മ സേനാംഗങ്ങൾ സംഗമത്തിൽ പങ്കാളികളായി. തിരഞ്ഞെടുത്ത ഹരിത കർമ്മ സേനാംഗങ്ങളെ ചടങ്ങിൽ ആദരിച്ചു.
ഡിസംബർ 21 വൈകിട്ട് ആറിനാണ് നെടുമങ്ങാട് മണ്ഡലത്തിൽ നവകേരള സദസ്സ്. നഗരസഭ പാർക്കിങ് ഗ്രൗണ്ടാണ് വേദി. നെടുമങ്ങാട് മുനിസിപ്പൽ ടൗൺ ഹാളിൽ നടന്ന ചടങ്ങിൽ നഗരസഭ ചെയർപേഴ്സൺ സി. എസ് ശ്രീജ, നെടുമങ്ങാട് സംഘടക സമിതി വർക്കിംഗ്‌ ചെയർമാൻ ആർ. ജയദേവൻ, വൈസ് ചെയർമാൻ പാട്ടത്തിൽ ഷെരീഫ്,നെടുമങ്ങാട് ആർ.ഡി.ഒയും സംഘാടകസമിതി കൺവീനറുമായ കെ.പി. ജയകുമാർ, വിവിധ പഞ്ചായത്ത് പ്രതിനിധികൾ, നഗരസഭ കൗൺസിലർമാർ തുടങ്ങിയവർ പങ്കെടുത്തു.
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.