
മടവൂർ: മടവൂർ ഗ്രാമപഞ്ചായത്തിലെ കശുമാവ് ഗ്രാമം പദ്ധതിയുടെ രണ്ടാംഘട്ടത്തിന്റെ ഉദ്ഘാടനം കിളിമാനൂർ ബ്ലോക്ക് പഞ്ചായത്ത് പ്രസിഡന്റ് ബി. പി മുരളി നിർവഹിച്ചു. സംസ്ഥാന കശുമാവ് കൃഷി വികസന ഏജൻസിയുടെ സഹകരണത്തോടെ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തിയാണ് കശുമാവ് ഗ്രാമം പദ്ധതി യാഥാർത്ഥ്യമാക്കുന്നത്. നെടുമങ്ങാട് ഓൺലൈൻ വാട്ട്സ്ആപ്പ് ഗ്രൂപ്പിൽ അംഗമാകുവാൻ ക്ലിക്ക് ചെയ്യുക





മടവൂർ ഗ്രാമപഞ്ചായത്തിലെ 15 വാർഡുകളിലാണ് പദ്ധതി നടപ്പിലാക്കുന്നത്. 12000 കശുമാവിൻ തൈകൾ ആണ് ഈ വർഷം നട്ടുപിടിപ്പിക്കാൻ ലക്ഷ്യമിടുന്നത്. 20 ലക്ഷം രൂപയാണ് പദ്ധതി നടത്തിപ്പിനായി വകയിരുത്തുന്നത്. കഴിഞ്ഞവർഷം മുതലാണ് പഞ്ചായത്ത് കശുമാവ് ഗ്രാമം പദ്ധതി നടപ്പിലാക്കി തുടങ്ങിയത്. 3800 കശുമാവിൻ തൈകൾ ആണ് അന്ന് നട്ടുപിടിപ്പിച്ചത്. ഈ വർഷം ആദ്യം 6000 തൈകൾ നടും.

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തി സ്ത്രീകളുടെ പങ്കാളിത്തത്തോടെയാണ് പദ്ധതി നടപ്പിലാക്കുന്നത്. പരമാവധി തൊഴിൽ ദിനങ്ങൾ ഉറപ്പാക്കാനും പഞ്ചായത്ത് ലക്ഷ്യമിടുന്നുണ്ട്. അറു കാഞ്ഞിരത്ത് നടന്ന ചടങ്ങിൽ ഗ്രാമപഞ്ചായത്ത് പ്രസിഡന്റ് ബിജുകുമാർ, വാർഡ് മെമ്പർമാർ, തൊഴിലുറപ്പ് തൊഴിലാളികൾ ഉൾപ്പെടെ നിരവധിപേർ സന്നിഹിതരായിരുന്നു.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.