വിതുര: രാഹുൽ ഗാന്ധിയെ അയോഗ്യനാക്കിയ മോദി സർക്കാരിന്റെ ജനാധിപത്യ വിരുദ്ധതയ്ക്കെതിരെ പ്രതിഷേധിച്ചു കൊണ്ടും രാഹുഗാന്ധിക്ക് ഐക്ക്യദാർഢ്യവുമായി യൂത്ത് കോൺഗ്രസ് വിതുര മണ്ഡലം കമ്മിറ്റിയുടെ നേതൃത്വത്തിൽ നൈറ്റ് മാർച്ച് സംഘടിപ്പിച്ചു. മേലേകൊപ്പം ജംഗ്ഷനിൽ നിന്നാരംഭിച്ച നൈറ്റ് മാർച്ച് ചന്തമുക്ക് ജംഗ്ഷനിൽ സമാപിച്ചു. കോൺഗ്രസ് ആനപ്പാറ മണ്ഡലം പ്രസിഡന്റ് വിഷ്ണു ആനപ്പാറ ഉദ്ഘാടനം ചെയ്തു. യൂത്ത് കോൺഗ്രസ് മണ്ഡലം പ്രസിഡന്റ് സുധിൻ വിതുര അധ്യക്ഷത വഹിച്ചു.
കോൺഗ്രസ് ബ്ലോക്ക് സെക്രട്ടറി ബി.എൽ. മോഹനൻ, ഐഎൻടിയുസി സംസ്ഥാന സെക്രട്ടറി ഡി. അജയകുമാർ, മഹിളാ കോൺഗ്രസ് മണ്ഡലം പ്രസിഡന്റ് സതീദേവി എന്നിവർ സംസാരിച്ചു.
യൂത്ത് കോൺഗ്രസ് ഭാരവാഹികളായ വിനീത് തള്ളച്ചിറ, പാർവതി, രാഹുൽ കരിമ്പിൻകാല, ജോയ്.സി, അനന്ദു കൃഷ്ണ, അഭിമന്യു, വിഷ്ണു കല്ലാർ, റോജിൻ മരുതാമല, തുടങ്ങിയവർ നേതൃത്വം നൽകി.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.