മന്നൂർക്കോണം: യുവാവിനെ കുത്തിപ്പരിക്കേല്പിച്ചു. മന്നൂർക്കോണം ആർച്ച് ജങ്ഷൻ ആലംകോട് ഹൗസിൽ ഷിബു റാവുത്തർ(42)ക്കാണ് കുത്തേറ്റത്. അയൽവാസിയായ ബിജു വിത്സൻ എന്നയാളാണ് ഷിബുവിനെ കുത്തുകയും ഷിബുവിന്റെ വീട്ടിലെ സ്ത്രീകളെ മർദിക്കുകയും ചെയ്തത്. വ്യാഴാഴ്ച വൈകുന്നേരം മൂന്നുമണിയോടെ ഷിബുവിന്റെ വീടിനു മുന്നിൽവെച്ചായിരുന്നു സംഭവം. ഗുരുതരമായി പരിക്കേറ്റ ഷിബുവിനെ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു.
ഷിബുവും ബിജുവും തമ്മിലുള്ള വസ്തു കൊടുക്കൽ വാങ്ങൽ സംബന്ധിച്ച പ്രശ്നങ്ങളാണ് കത്തിക്കുത്തിൽ കലാശിച്ചതെന്ന് പോലീസ് പറയുന്നു. ഇതുസംബന്ധിച്ച് ബിജു കഴിഞ്ഞ രണ്ടുദിവസമായി ഫെയ്‌സ്ബുക്കിലൂടെ പ്രകോപനപരമായി പോസ്റ്റുകൾ ഇട്ടിരുന്നു. ബിജുവിനും മർദനമേറ്റതായും ഇയാളും ചികിത്സ തേടിയിട്ടുണ്ടെന്നു ബന്ധുക്കൾ പറയുന്നു. സംഭവത്തിൽ വലിയമല പോലീസ് കേസെടുത്തു.
.png)
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.