വാഹനാപകടത്തിൽ നെടുമങ്ങാട് സ്വദേശി മരിച്ചു

നെടുമങ്ങാട്: റാസൽഖൈമയിൽ വച്ചുണ്ടായ വാഹനാപകടത്തിൽ യുവാവ് മരിച്ചു. അഴിക്കോട് മരുതിനകം കൈലായത്ത് വീട്ടിൽ നൗഷാദിന്റെയും ഷൈലയുടെയും മകൻ മുഹമ്മദ് ഫൈസൽ (21) ആണ് മരിച്ചത്. ഒപ്പമുണ്ടായിരുന്ന ബന്ധു പാലോട് ഇലവുപാലം സ്വദേശി നിഷാദ് ഗുരുതരമായ പരിക്കുകളോടെ റാസൽഖൈമ ആശുപത്രിയിൽ ചികിത്സയിലാണ്. സഹോദരി: ഫർഹാന. മൃതദേഹം നാട്ടിലെത്തിച്ചു കബറടക്കും.