കല്ലാർ: മീൻമുട്ടി വെള്ളച്ചാട്ടം കണ്ടതിനു ശേഷം മടങ്ങിയ തിരുനെൽവേലി സ്വദേശികളായ വിനോദ സഞ്ചാരികളുടെ കാർ മലവെള്ളത്തിൽ ഒലിച്ചുപോയി. യാത്രക്കാർ അദ്ഭുതകരമായി രക്ഷപ്പെട്ടു. പൊന്മുടി സംസ്ഥാന ഹൈവേയിൽ നിന്നു മീൻമുട്ടിയിലേക്കു പോകുന്ന ചപ്പാത്ത് റോഡ‍ിൽ ഇന്നലെ ഉച്ചയോടെ ആയിരുന്നു സംഭവം.
മീൻമുട്ടി സന്ദർശിച്ച ശേഷം കാറിൽ പ്രധാന റോഡിലേക്കു വരുമ്പോഴാണ് മലവെള്ളം എത്തിയത്. ചപ്പാത്ത് കടക്കാമെന്ന ധാരണയിൽ കാർ മുന്നോട്ട് എടുത്തെങ്കിലും പകുതി എത്തിയപ്പോൾ വാഹനം തോട്ടിലേക്കു മറിയുമെന്ന സ്ഥിതിയായി. കാറിൽ ഉണ്ടായിരുന്ന 3 പേരും സമീപത്ത് ഉണ്ടായിരുന്ന വനം അധികൃതരുടെ നിർദേശ പ്രകാരം ഡോർ തുറന്നു പുറത്തേക്കു ചാടി.
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.