അരുവിക്കര എൽപിഎസിന് അനുവദിച്ച കെട്ടിടത്തിന്റെ നിർമ്മാണോദ്‌ഘാടനം എംഎൽഎ ജി സ്റ്റീഫൻ നിർവഹിച്ചു

അരുവിക്കര: അരുവിക്കര എൽപിഎസിന് ഒരുകോടി ഇരുപത് ലക്ഷം രൂപ ചെലവഴിച്ചു നിർമ്മിക്കുന്ന കെട്ടിടത്തിന്റെ നിർമ്മാണോദ്‌ഘാടനം അരുവിക്കര എംഎൽഎ ജി സ്റ്റീഫൻ നിർവഹിച്ചു. പൊതുവിദ്യാഭ്യാസ വകുപ്പിന്റെ 2021-22 പ്ലാൻ ഫണ്ടിൽ ഉൾപ്പെടുത്തിയാണ് പാദ്ധതി നടപ്പിലാക്കുന്നത്. അരുവിക്കര നിയോജക മണ്ഡലത്തിലെ ആറ് വിദ്യാലയങ്ങൾക്ക് തുക അനുവദിച്ചിട്ടുണ്ട്. പൊതുവിദ്യാഭ്യാസ രംഗത്ത് ഈ സർക്കാർ മുൻഗണന നൽകുന്നുണ്ടെന്നും മണ്ഡലത്തിലെ മറ്റു സ്കൂളുകളിൽകൂടി വേണ്ട വികസന പ്രവർത്തനങ്ങൾ ഉടൻ പൂർത്തിയാക്കുമെന്നും എംഎൽഎ പറഞ്ഞു. 

നെടുമങ്ങാട് ഓൺലൈൻ വാട്സ്ആപ് ഗ്രൂപ്പിൽ അംഗമാകാൻ ക്ലിക്ക് ചെയ്യൂ

അരുവിക്കര ഗ്രാമ പഞ്ചായത്ത് പ്രസിഡന്റ് കളത്തറ മധു അധ്യക്ഷത വഹിച്ച ചടങ്ങിൽ സ്‌കൂൾ പിടിഎ പ്രസിഡന്റ് രാജീവ് ജി സ്വാഗതം പറഞ്ഞു. അബ്കാരി ക്ഷേമനിധി ബോർഡ് ചെയർമാൻ കെ എസ് സുനിൽകുമാർ മുഖ്യ സാന്നിധ്യം അറിയിച്ചു. നെടുമങ്ങാട് ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിങ് കമ്മിറ്റി ചെയർമാൻ വി ആർ ഹരിലാൽ, അരുവിക്കര ഗ്രാമപഞ്ചായത്ത് വൈസ് പ്രസിഡന്റ് മറിയക്കുട്ടി, അരുവിക്കര ഗ്രാമപഞ്ചായത്ത് വിദ്യാഭ്യാസ, ആരോഗ്യ സ്റ്റാന്റിംഗ് കമ്മിറ്റി ചെയർപേഴ്സൺ അലിഫിയ എസ്, അരുവിക്കര ഗ്രാമപഞ്ചായത്ത് വികസന കാര്യ സ്റ്റാന്റിംഗ് കമ്മിറ്റി ചെയർമാൻ ജഗൽ വിനായക്, അരുവിക്കര ഗ്രാമപഞ്ചായത്ത് ക്ഷേമകാര്യ സ്റ്റാന്റിങ് കമ്മിറ്റി ചെയർപേഴ്സൺ ആർ കല, അരുവിക്കര ഗ്രാമപഞ്ചായത്ത് വട്ടക്കുളം വാർഡ് മെമ്പർ എഎം ഇല്ല്യാസ്, സൗത്ത് സർക്കിൾ പിഡബ്ല്യൂഡി ബിൽഡിങ് സൂപ്രണ്ടിങ് എൻജിനീയർ ലൈജു എംജി, എഇഒ ഇന്ദു എൽ, അരുവിക്കര ഫാർമേഴ്‌സ് സർവീസ് സഹകരണ ബാങ്ക് പ്രസിഡണ്ട് അഡ്വ. ആർ രാജ്‌മോഹൻ, എസ്എംസി ചെയർമാൻ ആന്റണി എ, വി ആർ പ്രവീൺ കുമാർ, എസ്എ റഹീം, വെള്ളൂർക്കോണം അനിൽ, ഉമാദേവി തുടങ്ങിയവർ ആശംസകളും അരുവിക്കര എൽപിഎസ് ഹെഡ്മിസ്ട്രസ് കെ നസീറ നന്ദിയും അറിയിച്ചു.

സബ്സ്ക്രൈബ്

നെടുമങ്ങാട് ഓൺലൈൻ യൂട്യൂബ് ചാനൽ