ലോഡ്ജിൽ ലഹരി വില്പന; ദമ്പതികളടക്കം നാലുപേർ പോലീസ് പിടിയിൽ
കൊല്ലം: ലോഡ്ജിൽ കഞ്ചാവും എംഡിഎംഎയും ഉൾപ്പെടെയുള്ള ലഹരി ഉൽപന്നങ്ങൾ വിറ്റ ദമ്പതികളടക്കം നാലുപേർ അറസ്റ്റിൽ. കൊല്ലം പുലരി നഗർ ഉദയ മന്ദിരത്തിൽ അഖിൽ (24), കിളികൊല്ലൂർ മീനാക്ഷി ഹൗസിൽ അഭിനാഷ് (28), കല്ലുന്താഴം കൊച്ചുകുളം കാവേരി നഗർ വയലിൽ പുത്തൻവീട്ടിൽ അജു മൻസൂർ (23), ഭാര്യ ബിൻഷ (21) എന്നിവരെയാണ് പൊലീസ് അറസ്റ്റ് ചെയ്തത്.
കൊല്ലം കിളികൊല്ലൂർ പോലീസ് നാല് പ്രതികളെയും അറസ്റ്റ് ചെയ്തു. ഇവരിൽ നിന്ന് 30 ഗ്രാം കഞ്ചാവും 23 ഗ്രാം എംഡിഎംഎയും കണ്ടെടുത്തു. പ്രതിക്ക് ലക്ഷക്കണക്കിന് രൂപയുടെ ബാങ്ക് ബാലൻസ് ഉണ്ടെന്ന് പോലീസ് കണ്ടെത്തി. രണ്ട് മാസമായി കൊല്ലം കാരിക്കോട് ഷാപ്പ്മുക്കിന് സമീപത്തെ ലോഡ്ജിൽ മുറിയെടുത്ത് ലഹരി വിൽപന നടത്തിവരികയായിരുന്നു. കോളജ്, സ്കൂൾ വിദ്യാർഥികളെ ലക്ഷ്യമിട്ടായിരുന്നു വിൽപ്പന.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.