നെടുമങ്ങാട്: ജേർണലിസ്റ്റ് ആന്റ് മീഡിയാ അസോസിയേഷൻ (ജെഎംഎ) നെടുമങ്ങാട് താലൂക്ക് കമ്മിറ്റി യുടെ നേതൃത്വത്തിൽ സംഘടിപ്പിച്ച ദ്വിദിന ചിത്രകലാ ക്യാമ്പിന്റെ ഉദ്ഘാടനം പ്രശസ്ത സിനിമ-സീരിയൽ താരവും ചിത്രകാരനുമായ നരിയാപുരം വേണുഗോപാൽ ഉദ്ഘാടനം ചെയ്തു. ചിത്രകലയെ കുറിച്ച് കുട്ടികൾക്ക് അടുത്തറിയുവാനും കൂടുതൽ പഠിക്കുവാനും ചിത്രകലയുടെ അനന്തസാധ്യകളെ പറ്റി കൂടുതൽ മനസ്സിലാക്കുന്നതിനുമായാണ് ചിത്രകലാ ക്യാമ്പ് സംഘടിപ്പിച്ചത്. പ്രസ്തുത ചടങ്ങിൽ പ്രശസ്ത സിനിമ-സീരിയൽ താരം റിയാസ് നർമ്മകലയും നരിയാപുരം വേണുഗോപാലും ചേർന്ന് ചിത്രകലാ രംഗത്ത് നെടുമങ്ങാടിനെ ചരിത്രത്തിൽ എഴുതിച്ചേർത്ത അനിൽ രൂപചിത്രയെയും ശ്രീകാന്ത് കരിപ്പൂരിനെയും ആദരിച്ചു. വിദ്യാർത്ഥികൾക്കായി അനിൽ രൂപചിത്ര ചിത്രകലാ ക്ലാസ്സുകൾക്ക് നേത്യത്വം നൽകി.
രണ്ടാം ദിനത്തിൽ നെടുമങ്ങാടിന്റെ കലാകാരനും ജെഎംഎ നെടുമങ്ങാട് താലൂക്ക് പ്രസിഡന്റുമായ രാജേഷ് ട്വിങ്കിൾ ചിത്ര രചന എങ്ങിനെ ആരംഭിക്കാം എന്ന വിഷയത്തിൽ കുട്ടികൾക്ക് ക്ലാസെടുത്തു. ക്യാമ്പിൽ പങ്കെടുത്ത കുട്ടികൾക്കുള്ള സർട്ടിഫിക്കറ്റ് വിതരണം നെടുമങ്ങാട് ഡിവൈഎസ്പി എംകെ സുൾഫിക്കർ വിതരണം ചെയ്തു.
നെടുമങ്ങാട് ഠൗൺ എൽപിഎസിൽ നടന്ന ചടങ്ങിൽ ജെഎംഎ നെടുമങ്ങാട് താലൂക്ക് കമ്മിറ്റി പ്രസിഡന്റ് രാജേഷ് ട്വിങ്കിൽ അധ്യക്ഷത വഹിച്ചു. സ്കൂൾ പി ടി എ പ്രസിഡന്റ് സതീശൻ, കോൺഗ്രസ് നെടുമങ്ങാട് മണ്ഡലം പ്രസിഡന്റ് അഡ്വ: അരുൺ കുമാർ, ബിജെപി നെടുമങ്ങാട് മണ്ഡലം കമ്മിറ്റി അംഗം കുറക്കോട് ബിനു, ജെഎംഎ സംസ്ഥാന കമ്മിറ്റി പ്രസിഡന്റ് വൈശാഖ് സുരേഷ്, ജെഎംഎ തിരുവനന്തപുരം താലൂക്ക് കമ്മിറ്റി പ്രസിഡന്റ് നവാസ്, ജെഎംഎ തിരുവനന്തപുരം ജില്ലാ കമ്മിറ്റി ജോയിന്റ് സെക്രട്ടറി വിനായക് ശങ്കർ, നെടുമങ്ങാട് താലൂക്ക് കമ്മിറ്റി സെക്രട്ടറി അനുരാഗ, ജെഎംഎ താലൂക്ക് കമ്മിറ്റി അംഗങ്ങളായ വിമൽ കുമാർ, അരുൺ കളത്തറ, ഷജീർ, അനിൽകുമാർ കല്ലറ, ഉണ്ണികൃഷ്ണൻ, ശ്രീജിത്ത് എന്നിവർ പങ്കെടുത്തു.
സബ്സ്ക്രൈബ്
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.