നെടുമങ്ങാട്: ദേശീയ ക്ഷയരോഗ നിർമാർജനത്തിന്റെ ഭാഗമായി 2025 ഓടുകൂടി കേരളത്തിൽ ക്ഷയരോഗം നിർമാർജനം ചെയ്യുന്നതിന് വേണ്ടിയുള്ള പ്രവർത്തനങ്ങൾ നടന്നുവരികയാണ്. ടിബി അണുബാധ പിടിക്കുന്നതിനുള്ള ഐജിആർഎ (Interfelone Gamma Release Assay)ടെസ്റ്റ് ആരംഭിച്ചു. നെടുമങ്ങാട് നഗരസഭ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ഉദ്ഘാടനം നിർവഹിച്ചു.
തിരുവനന്തപുരം ജില്ലയിലെ കേന്ദ്രമാണ് ജില്ലാ ആശുപത്രിയിൽ ആരംഭിച്ചത്. നിലവിലെ രോഗബാധിതരുടെ സമ്പർക്കം ഉള്ളവരിൽ അഞ്ച് വയസിനു മുകളിൽ പ്രായമുള്ളവർക്ക് ആണ് ഈ പരിശോധന നടത്തുന്നത്. പോസിറ്റീവ് ആകുന്നവർക്ക് ക്ഷയരോഗ പ്രതിരോധ ചികിത്സ നൽകുന്നതാണ്. നിലവിൽ ക്ഷയരോഗ നിർണായതിനുള്ള ട്രൂനാറ്റ് പരിശോധനയ്ക്ക് പുറമെയാണ് ഈ സംവിധാനം ആരംഭിച്ചത്. ഇതിനോടനുബന്ധിച്ചുള്ള ബയോസേഫ്റ്റി ക്യാബിനറ്റിന്റെ പ്രവർത്തനോദ്ഘാടനം നെടുമങ്ങാട് ടിബി യൂണിറ്റ് മെഡിക്കൽ ഓഫീസർ ഡോ. മനോജ് കുമാർ പിആർ നിർവഹിച്ചു.
നെടുമങ്ങാട് ജില്ലാ ആശുപത്രി സൂപ്രണ്ട് സീന എസ് നായർ അധ്യക്ഷത വഹിച്ച ചടങ്ങിൽ ജില്ല ടിബി ഓഫീസർ ഡോ. ഹരികുമാർ മുഖ്യ പ്രഭാഷണം നടത്തി. ഡോ. മുഹമ്മദ് അഷറഫ് (സീനിയർ കൾസൾട്ടന്റ്), ഡോ. വിനയചന്ദ്രൻ (പീഡിയാട്രീഷൻ-ശിശുരോഗം), അനിൽ (എസ്ടിഎൽഎസ്), അനിൽ (എസ്ടിഎസ്), തുടങ്ങിയവർ പങ്കെടുത്തു.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.