ഇന്നലെ വൈകിട്ട് 6 മണിയോടുകൂടി കുളവിക്കോണത്ത് ബഹളമൂണ്ടാക്കി പൊതുജനശല്യം ഉണ്ടാക്കിയതിന് സ്റ്റേഷനിൽ കൂട്ടിക്കൊണ്ട് വന്ന് പാറാവിൽ സൂക്ഷിച്ചിരുന്ന ഇയാളുടെ പേരും വിലാസവും ചോദിച്ച ജി ഡി ചാർജിലുണ്ടായിരുന്ന സുഭാഷ് എന്ന എഎസ്ഐയെ യാതൊരു പ്രകോപനവും കൂടാതെ ദേഹോപദ്രവം ഏല്ഴപ്പിക്കുകയായിരുന്നു. ഇത് തടയാൻ ശ്രമിച്ച എസ്ഐയേയും മറ്റ് പോലീസ് ഉദ്യോഗസ്ഥരേയും ഇയാൾ ദേഹോപദ്രവം ഏൽ പ്പിച്ചു. പരാതികളുമായി സ്റ്റേഷനിലുണ്ടായിരുന്ന പൊതുജനങ്ങളുടെ മുന്നിൽ വച്ചാണ് ഇയാൾ അക്രമങ്ങൾ നടത്തിയത്. പോലീസ് വളരെ ബുദ്ധിമുട്ടിയാണ് ഇയാളെ കിഴ്പെടുത്തിയത്. സുഭാഷിന്റെ പരാതിയിന്മേൽ സർക്കാർ ഉദ്യോഗസ്ഥനെ ദേഹോപദ്രവം ഏൽപ്പിച്ചതിനും ജോലി തടസപ്പെടുത്തിയതിനുമുള്ള വകുപ്പുകൾ പ്രകാരമുള്ള കുറ്റം ചുമത്തിയാണ് ഇയാൾക്കെതിരെ പോലീസ് കേസെടുത്തത്. നെടുമങ്ങാട് പോലീസ് ഇൻസ്പെക്ടർ സന്തോഷ് കുമാറിന്റെയും എസ്ഐ സുനിൽ ഗോപിയുടേയും നേതൃത്വത്തിൽ കോടതിയിൽ ഹാജരാക്കിയ പ്രതിയെ റിമന്റ് ചെയ്തു.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.