കടയ്ക്കാവൂർ: വയോധികയെ വീട്ടിൽക്കയറി ആക്രമിച്ച് ഗുരുതരമായി പരിക്കേൽപ്പിച്ച കേസിലെ പ്രതിയെ അറസ്റ് ചെയ്തു. കടയ്ക്കാവൂർ പാലാംകോണം വൈഷ്ണവവിലാസത്തിൽ കാക്ക സുനു (46) എന്നറിയപ്പെടുന്ന അനിൽകുമാറിനെയാണ് കടയ്ക്കാവൂർ പൊലീസ് അറസ്റ്റ് ചെയ്തത്. കഴിഞ്ഞ ദിവസം ഉച്ചയോടെ പ്രതി പണം ആവശ്യപ്പെട്ട് വയോധികയുടെ വീട്ടിൽ എത്തുകയും, പണം നൽകാത്തതിനെ തുടർന്ന് വീടിനുള്ളിൽ കയറി ആക്രമിച്ച് പരിക്കേൽപ്പിക്കുകയും ചെയ്തു. നിരവധി ക്രിമിനൽ കേസുകളിൽ പ്രതിയായ ഇയാൾ സംഭവത്തിനു ശേഷം ഭീകരാന്തരീക്ഷം സൃഷ്ടിച്ചാണ് സ്ഥലത്തു നിന്ന് രക്ഷപ്പെട്ടത്. പരിക്കേറ്റ വയോധിക ചിറയിൻകീഴ് താലൂക്കാശുപത്രിയിൽ ചികിത്സ തേടി.
സബ്സ്ക്രൈബ്
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.