ആറ്റിങ്ങൽ: വിൽപനക്ക് കഞ്ചാവുമായി പോയ രണ്ടുപേരെ ആറ്റിങ്ങലിൽ എക്സൈസ് സംഘം അറസ്റ്റു ചെയ്തു. കരിച്ചയിൽ സ്വദേശി അജീഷ്, വർക്കല സ്വദേശി ബൈജു എന്നിവരാണ് അറസ്റ്റിലായത്. അജീഷിന്റെ കൈവശം 25 ഗ്രാം കഞ്ചാവും ബൈജുവിന്റെ കൈവശം 10 ഗ്രാം കഞ്ചാവുമാണ് ഉണ്ടായിരുന്നത്. ഇവർ സഞ്ചരിച്ചിരുന്ന ഓട്ടോയും ബൈക്കും കസ്റ്റഡിയിലെടുത്തു. മൊത്തക്കച്ചവടക്കാരനിൽനിന്ന് കഞ്ചാവ് വാങ്ങി വിൽപനനടത്തുന്ന സംഘത്തിൽപ്പെട്ടവരാണ് ഇവർ. കഞ്ചാവ് ഇവർക്ക് നൽകുന്നവരെക്കുറിച്ച് വിവരം ലഭിച്ചിട്ടുണ്ടെന്ന് എക്സൈസ് സി.ഐ പി.എൽ. ഷിബു പറഞ്ഞു. പ്രിവന്റിവ് ഓഫിസർ അശോക് കുമാർ, സിവിൽ എക്സൈസ് ഓഫിസർമാരായ മനോജ്, വിനു, അജിത് കുമാർ എന്നിവരും അന്വേഷണസംഘത്തിലുണ്ടായിരുന്നു.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.