സ്കൂട്ടറിൻ്റെ ടയർ പൊട്ടി; അപകടത്തിൽ യുവതി മരിച്ചു

വിതുര: ഓടിക്കൊണ്ടിരുന്ന സ്കൂട്ടറിൻ്റെ ടയർ പൊട്ടിത്തെറിച്ചതിനെത്തുടർന്നുണ്ടായ അപകടത്തിൽ യുവതി മരിച്ചു. വിതുര കൊപ്പം സ്വദേശി ആര്യ (23) ആണ് മരിച്ചത്. ഇന്നലെ രാവിലെ പത്തുമണിയോടെ പതിനെട്ടാം കല്ല് കുരിശടിക്ക് സമീപത്തായിരുന്നു അപകടം നടന്നത്. റോഡിൽ തലയിടിച്ചു വീണു ഗുരുതരമായി പരിക്കേറ്റു. സ്കൂട്ടറിൻ്റെ പിറകിലിരുന്ന് യാത്ര ചെയ്യുകയായിരുന്നു ആര്യ. സ്കൂട്ടറോടിച്ച യുവാവിന് പരിക്കേറ്റു. യുവാവ് ചികിത്സയിലാണ്.