വിവാഹ വാഗ്ദാനം നൽകി പീഡിപ്പിച്ചു; പ്രതി അറസ്റ്റിൽ

നെയ്യാറ്റിൻകര: വിവാഹ വാഗ്ദാനം നൽകി പീഡിപ്പിച്ചുവെന്ന കേസിൽ വിഴിഞ്ഞം സ്വദേശി നജീബിനെ (28) നെയ്യാറ്റിൻകര പൊലീസ് അറസ്റ്റ് ചെയ്തു. ഫെയ്സ്ബുക്കിലൂടെ പരിചയപ്പെട്ട യുവതിയുമായി നജീബ് ആദ്യം പ്രണയത്തിലായി. തുടർന്നു വിവാഹ വാഗ്ദാനം നൽകി പീഡിപ്പിച്ചുവെന്നു പൊലീസ് പറഞ്ഞു. വിവാഹത്തിൽ നിന്ന് പിൻമാറി ഗൾഫിലേക്കു കടക്കാൻ ശ്രമിച്ചതിനെ തുടർന്നാണ് യുവതി നിയമ സഹായം തേടിയത്. 

യുവതിയുടെ മൊഴിയുടെ അടിസ്ഥാനത്തിൽ നെയ്യാറ്റിൻകര ഡിവൈഎസ്‌പി എസ്. അനിൽകുമാർ, സിഐ സാഗർ, എസ്ഐ മിനുമോൾ എന്നിവരുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.