സര്‍വ്വകലാശാല കോളേജ് അധ്യാപകര്‍ക്ക് ഓണ്‍ലൈന്‍ പരിശീലനം

തിരുവനന്തപുരം: സംസ്ഥാനത്തെ ഉന്നത വിദ്യാഭ്യാസ സ്ഥാപനങ്ങളിലെ അധ്യാപകരുടെ ഓണ്‍ലൈന്‍ വിദ്യാഭ്യാസ രീതിയില്‍ സാങ്കേതിക പരിജ്ഞാനം വര്‍ദ്ധിപ്പിക്കുന്നതിന് സംസ്ഥാന ഉന്നത വിദ്യാഭ്യാസ കൗണ്‍സിലിന്‍റെ ആഭിമുഖ്യത്തില്‍ സര്‍വ്വകലാശാല കോളേജ് അധ്യാപകര്‍ക്കായി 2021 ജൂലൈ 26 മുതല്‍ 30 വരെ ഓണ്‍ലൈന്‍ ശില്‍പ്പശാല സംഘടിപ്പിക്കുന്നു. ലേണിംഗ് മാനേജ്മെന്‍റ് സിസ്റ്റവും, കോഴ്സ് ഡിസൈനിംഗും എന്ന വിഷയത്തിലാണ് മൂഡില്‍ (Moodle) അധിഷ്ഠിതമായ ട്രെയ്നേഴ്സ് ട്രെയിനിംഗ് പ്രോഗ്രാം സംഘടിപ്പിക്കുന്നത്. ഒരാഴ്ച നീളുന്ന സൗജന്യ പരിശീലന പരിപാടിയില്‍ സര്‍വ്വകലാശാലകളിലെയും കോളേജുകളിലെയും അധ്യാപകര്‍ക്ക് പങ്കെടുക്കാം. ഉന്നത വിദ്യാഭ്യാസ കൗണ്‍സില്‍ സംഘടിപ്പിച്ചിട്ടുള്ള പരിശീലന പരിപാടികളില്‍ ഇതുവരെ പങ്കെടുക്കാത്ത അധ്യാപകര്‍ക്ക് മുന്‍ഗണന നല്‍കും. 2021 ജൂലൈ 21 വരെ ഓണ്‍ലൈനായി അപേക്ഷിക്കാം. കൂടുതല്‍ വിവരങ്ങള്‍ക്ക് ഉന്നത വിദ്യാഭ്യാസ കൗണ്‍സിലിന്‍റെ വെബ്സൈറ്റ് (www.kshec.kerala.gov.in) സന്ദര്‍ശിക്കാവുന്നതാണ്. ബന്ധപ്പെടേണ്ട നമ്പര്‍: 9495027525, 8281942902.

വാർത്തകൾ വാട്‍സ്ആപ്പിൽ ലഭിക്കുവാൻ ക്ലിക്ക് ചെയ്യുക
വാർത്തകൾ ടെലിഗ്രാമിൽ ലഭിക്കുവാൻ ക്ലിക്ക് ചെയ്യുക