പെട്രോൾ ബോമ്പേറ്; ഭിന്നശേഷിക്കാരൻ ഗുരുതരാവസ്ഥയിൽ

നെയ്യാറ്റിൻകര: പെട്രോൾ ബോംബെറിഞ്ഞ് അയൽവാസി കൊലപ്പെടുത്താൻ ശ്രമിച്ച ഭിന്നശേഷിക്കാരനെ ഗുരുതരാവസ്ഥയിൽ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. നെയ്യാറ്റിൻകര അരുവിയോട് സ്വദേശി വര്‍ഗീസാ(47)ണ് ഗുരുതരാവസ്ഥയിൽ ആശുപത്രിയിയിൽ ചികിത്സയിലുള്ളത്. ബുധനാഴ്ച രാവിലെയാണ് സംഭവം. അയൽവാസികളായ വർഗീസും സെബാസ്റ്റ്യനും തമ്മിൽ പ്രശ്നങ്ങളുണ്ടായിരുന്നു. രാവിലെ സെബാസ്റ്റ്യൻ വർഗീസിൻ്റെ വീട്ടിലേയ്ക്ക് പെട്രോൾ ബോംബെറിയുകയായിരുന്നു.

ബോംബ് പൊട്ടിയതോടെ തീ പടര്‍ന്നു. ശരീരമാസകലം പൊള്ളലേറ്റ വര്‍ഗീസിനെ നാട്ടുകാരാണ് ആശുപത്രിയിലെത്തിച്ചത്. എൺപതിയഞ്ച് ശതമാനത്തിലധികം പൊള്ളലേറ്റ വർഗീസ് ബേൺസ് ഐസിയുവിൽ ചികിത്സയിലാണ്.

വാർത്തകൾ വാട്‍സ്ആപ്പിൽ ലഭിക്കുവാൻ ക്ലിക്ക് ചെയ്യുക

വാർത്തകൾ ടെലിഗ്രാമിൽ ലഭിക്കുവാൻ ക്ലിക്ക് ചെയ്യുക