ഒരു ലക്ഷം രൂപയോളം വിലവരുന്ന കോവിഡ് പ്രതിരോധ ഉപകരണങ്ങൾ ജില്ലാ ആശുപത്രിയിയ്ക്ക് കൈമാറി നഗരസഭ

നെടുമങ്ങാട്: ജില്ലാ ആശുപത്രിയിലേക്ക് ഒരു ലക്ഷം രൂപയോളം വിലവരുന്ന കോവിഡ് പ്രതിരോധ ഉപകരണങ്ങൾ നെടുമങ്ങാട് നഗരസഭ ആരോഗ്യ വിഭാഗത്തിന്റെ ആഭിമുഖ്യത്തിൽ നഗരസഭ ചെയർപേഴ്സൻ സി എസ് ശ്രീജ ആശുപത്രി സൂപ്രണ്ട് ഡോ.ശിൽപ തോമസിന് കൈമാറി. നിലവിൽ നൂറ് കിടക്കകളുള്ള കോവിഡ് സെക്കന്റ്‌ ലൈൻ ട്രീറ്റ്മെന്റ് സെന്റർ ഇവിടെ പ്രവർത്തിച്ചുവരികയാണ്. ദിനവും ഇരുന്നൂറ് പേരിൽ കുറയാതെ കോവിഡ് പരിശോധന ഇവിടെ നടത്തിവരുന്നു.

നെടുമങ്ങാട് നഗരസഭ ചെയർപേഴ്സൻ സി എസ് ശ്രീജ, നഗരസഭ സെക്രട്ടറി ഷെറി, ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൻ അജിത, പൊതുമരാമത്ത്ഹെ സ്റ്റാൻഡിംഗ് കമ്മിറ്റി ചെയർമാൻ ഹരികേശൻ നായർ, ഹെൽത്ത് സൂപ്പർവൈസർ ബാബുരാജ്, ഹെൽത്ത് ഇൻസ്‌പെക്ടർ കിരൺ, ജൂനിയർ ഹെൽത്ത് ഇൻപെക്ടർ ബിജു സോമൻ ജില്ലാ ആശുപത്രി സൂപ്രണ്ട് ശിൽപ തോമസ്, ചീഫ് കൺസൾട്ടന്റ് അഷറഫ് സിപിഎം ഏര്യാ കമ്മിറ്റി സെക്രട്ടറി ആർ ജയദേവൻ തുടങ്ങിയവർ പങ്കെടുത്തു