പെരിങ്ങമ്മല: വെറ്റില പറിക്കാൻ വനത്തിൽ പോയ ആളെ കാട്ടാന ചവിട്ടിക്കൊന്നു. പെരിങ്ങമ്മല ശാസ്താംനട പട്ടികജാതി കോളനി പിള്ളൈക്കോട് ചതുപ്പ് സ്വദേശി സദാനന്ദൻ (65) ആണു മരിച്ചത്. വീട്ടിൽ നിന്ന് ഒന്നര കിലോമീറ്റർ അകലെ കുളത്തൂപ്പുഴ ഫോറസ്റ്റ് റേഞ്ചിലെ ശാസ്താംനട ഉൾവനത്തിൽ ഉണക്കത്തോട് എന്ന സ്ഥലത്താണു സംഭവം. മുറുക്കുന്നതിനു വെറ്റില പറിക്കാൻ ഇടയ്ക്കിടെ സദാനന്ദൻ കാട്ടിൽ പോകാറുണ്ടായിരുന്നുവെന്നു ബന്ധുക്കൾ പറയുന്നു. ബുധനാഴ്ച രാവിലെ പിള്ളൈക്കോട് ചതുപ്പിലെ വീട്ടിലെത്തി വൈകിട്ടോടെ വെറ്റില പറിക്കാൻ പോയ സദാനന്ദൻ രാത്രി വൈകിയും രാവിലെയും വീട്ടിലെത്താത്തതിനെതുടർന്ന് ബന്ധുക്കൾ നടത്തിയ തിരച്ചിലിലാണു മൃതദേഹം കണ്ടെത്തിയത്.
ചെങ്ങറ ഭൂസമരത്തിൽ പങ്കാളിയായിരുന്നു സദാനന്ദൻ. കൂലിപ്പണിക്കാരനായ സദാനന്ദൻ ചെങ്ങറ സമര ഭൂമിയിലാണു കഴിയുന്നത്. പാലോട് പൊലീസും വനം വകുപ്പ് ഉദ്യോഗസ്ഥരും സ്ഥലത്തെത്തി ഇൻക്വസ്റ്റ് തയാറാക്കി പോസ്റ്റുമോർട്ടത്തിനായി മൃതദേഹം മെഡിക്കൽ കോളജ് ആശുപത്രിയിലേക്കു മാറ്റി.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.