നെടുമങ്ങാട് പോലീസ് സ്റ്റേഷൻ പരിധിയിൽ രാത്രികാല കർഫ്യു

നെടുമങ്ങാട്: നെടുമങ്ങാട് പോലീസ് സ്റ്റേഷൻ പരിധിയിൽ രാത്രികാല കർഫ്യു ആരംഭിച്ചു. നെടുമങ്ങാട് പോലീസും ആരോഗ്യ വിഭാഗവും സംയുക്തമായാണ് പാരിശോധന നടത്തുന്നത്. രാത്രി ഒൻപതുമണി മുതൽ വെളുപ്പിന് അഞ്ചുമണിവരെയാണ് രാത്രികാല കർഫ്യു. രാത്രികാലങ്ങളിൽ അനാവശ്യമായി പുറത്തിറങ്ങുന്നവർക്കെതിരെയും വാഹനങ്ങളിൽ സാമൂഹിക അകലം പാലിക്കാതെ യാത്ര ചെയ്യുന്നവർക്കെതിരെയും നടപടിയുണ്ടാകുമെന്നും നെടുമങ്ങാട് നഗരസഭാ ഹെൽത്ത് ഇൻസ്‌പെക്ടർ കിരൺ അറിയിച്ചു.

ഇന്നുമുതൽ രാത്രി ഒൻപതു മണിക്ക് ശേഷം അനാവശ്യമായി പുറത്തിറങ്ങുന്നവർക്കെതിരെ കർശന നടപടികൾ ഉണ്ടാകുമെന്നും അദ്ദേഹം പറഞ്ഞു. കോവിഡ് മഹാമാരിയെ തുരത്തുന്നതിനായി പൊതുജനങ്ങളുടെ സഹകരണവും ആവശ്യമാണെന്നും അദ്ദേഹം ചൂണ്ടിക്കാട്ടി.

വാർത്തകൾ വാട്‍സ്ആപ്പിൽ ലഭിക്കുവാൻ ക്ലിക്ക് ചെയ്യുക

വാർത്തകൾ ടെലിഗ്രാമിൽ ലഭിക്കുവാൻ ക്ലിക്ക് ചെയ്യുക