ജില്ലയിലെ വിവിധ പ്രദേശങ്ങളിൽ നിന്ന് നിരോധിത പുകയില ഉത്പന്നങ്ങൾ പിടിച്ചെടുത്തു; രണ്ടുപേർ അറസ്റ്റിൽ

തിരുവനന്തപുരം: പൊലീസും റൂറൽ ഷാഡോ ഡാൻസഫ് ടീമും നടത്തിയ പരിശോധനയിൽ രണ്ടു ലക്ഷം രൂപയുടെ നിരോധിത പുകയില ഉൽപന്നങ്ങളും, കണക്കിൽപ്പെടാത്ത 2,80,000 രൂപയും പിടിച്ചെടുത്തു. പനവൂർ ആറ്റിൻപുറം ഗവ സ്കൂളിന് സമീപം കിരീടം സലിം എന്ന സലീമിന്റെ പലചരക്ക് കടയിലും ചേർന്നുള്ള വീട്ടിലെ രഹസ്യ അറയിലും സൂക്ഷിച്ചിരുന്ന 1600 ഓളം പാക്കറ്റ് പുകയില ഉൽപന്നങ്ങളും, കണക്കിൽപ്പെടാത്ത 2,80,000 രൂപയുമാണ് പിടിച്ചെടുത്തതെന്ന് പൊലീസ് അറിയിച്ചു.

രണ്ടു ലക്ഷം രൂപയോളം വില വരുന്ന നിരോധിത പുകയില ഉൽപന്നങ്ങളുമായി മൊത്ത വിൽപനക്കാരൻ ഫോർട്ട് പൊലീസിന്റെ പിടിയിലായി. മണക്കാട് സമാധി സ്ട്രീറ്റ് ശ്രീനഗറിൽ രാജേഷ് കുമാർ (46) നെയാണ് അറസ്റ്റ് ചെയ്തത്. ഇയാളുടെ വീട്ടിൽ നിന്ന് വിൽപനയ്ക്കായി സൂക്ഷിച്ചിരുന്ന 15 ചാക്ക് പുകയില ഉൽപന്നങ്ങൾ കണ്ടെടുത്തു. നഗരത്തിലെ ചില്ലറ വിൽപനക്കാർക്ക് പുകയില ഉൽപന്നങ്ങൾ എത്തിച്ച് നൽകുന്ന ഇയാൾ ദിവസങ്ങളായി പൊലീസ് നിരീക്ഷണത്തിലായിരുന്നു.

പ്രതീകാത്മക ചിത്രം