ഇന്നും പെട്രോൾ, ഡീസൽ വില വർദ്ധിച്ചു

തിരുവനന്തപുരം: പെട്രോൾ, ഡീസൽ വിലയിൽ ഇന്നും വർധന. വിവിധ നഗരങ്ങളിൽ പെട്രോളിന് 25 പൈസയും ഡീസലിന് 31 പൈസയുമാണ് ഉയർന്നത്. കഴിഞ്ഞ മൂന്ന് ദിവസത്തിനിടെ പെട്രോളിന് 90 പൈസയും ഡീസലിന് 95 പൈസയുമാണ് വർധിച്ചത്. കേരളത്തിൽ പെട്രോൾ, ഡീസൽ വില സർവകാല റെക്കോർഡിലെത്തിയിരിക്കുകയാണ്. ഇന്ന് ഒരു ലിറ്റർ പെട്രോളിന് ഇന്ന് 89.73 രൂപയാണ് വില. ഡീസലിന് 83.91 രൂപയും.

രാജ്യത്തെ ചില്ലറ ഇന്ധന വില ഇപ്പോൾ 2018 ഒക്ടോബറിന് ശേഷമുള്ള ഏറ്റവും ഉയർന്ന നിരക്കിലാണ്. പെട്രോളിന് അന്ന് 85 രൂപ 99 പൈസ ആയിരുന്നു. ഈ സർവകാല റെക്കോർഡാണ് ഇന്ന്‌ മറികടന്നത്. കൊച്ചിയിൽ പെട്രോളിന് 87.79 രൂപയാണ് വില. ഡീസലിന് 82.05 രൂപയും. കോഴിക്കോട് 88.16 രൂപയാണ് ഒരു ലിറ്റർ പെട്രോളിന് ഇന്നത്തെ വില. ഡീസലിന് 82.44 രൂപയും.