പനയമുട്ടം: പനയമുട്ടം കോതകുളങ്ങരയിൽ വീട് അഗ്നിക്കിരയായി. പനയമുട്ടം കോതകുളങ്ങര കലാഭവനിൽ പ്രഭുവിന്റെ വീടാണു കഴിഞ്ഞദിവസം അർധരാത്രിയിൽ കത്തിപ്പോയത്. വീടിനോടു ചേർന്നുള്ള റബർഷീറ്റ് ഉണക്കുന്ന പുകപ്പുരയിൽ നിന്നാണു തീപടർന്നത്. വീടും വീട്ടുപകരണങ്ങളടക്കം വീട്ടിനുള്ളിൽ ഉണ്ടായിരുന്ന സാധനങ്ങൾ പൂർണമായും കത്തിനശിച്ചു. റബർ കർഷകനായ പ്രഭുവും ഭാര്യ ശശികലയും സംഭവം നടക്കുമ്പോൾ വീട്ടിനുള്ളിൽ ഉറക്കത്തിലായിരുന്നു.
The house was burned at Kodakulangara in Panayamuttam.
തീയുംപുകയും പടരുന്നതു കണ്ട് ഇവർ പുറത്തിറങ്ങിയതിനാൽ രക്ഷപ്പെട്ടു. രണ്ടുമുറിയും ഒരടുക്കളയുമടങ്ങുന്ന ഷീറ്റിട്ട വീടാണിത്. വിവരം ലഭിച്ചു നെടുമങ്ങാട്ട് നിന്നും അഗ്നിശമനാ സേനാ വിഭാഗം എത്തിയപ്പോഴേക്കും വീട് ഏറെക്കുറെ കത്തിപ്പോയി. ഇതിനകം നാട്ടുകാർ തീ അണയ്ക്കാൻ നടത്തിയ ശ്രമവും വിഫലമായി. വഴി സൗകര്യമില്ലാത്തതിനാൽ എട്ട് ഹോസ്ബന്ധിപ്പിച്ചാണു തീ പിടിച്ച വീട്ടിലേക്ക് അഗ്നിശമനാ സേനാ വിഭാഗം വെള്ളമെത്തിച്ചു സമീപ വാസികളുടെ സഹകരണത്തോടെ തീ പൂർണമായും കെടുത്തിയത്.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.