നാഷനൽ സർവീസ് സ്കീമിന്റെ സപ്തദിന സഹവാസ ക്യാംപ് നാളെ രാമപുരം യുപിഎസിൽ ആരംഭിക്കും

പാലോട്: വൃത്തി, വെള്ളം, വിളവ് എന്ന സന്ദേശമുയർത്തി നന്ദിയോട് എസ്കെവി ഹയർസെക്കൻഡറി സ്കൂൾ നാഷനൽ സർവീസ് സ്കീമിന്റെ സപ്തദിന സഹവാസ ക്യാംപ് നാളെ മുതൽ വേങ്കവിള രാമപുരം യുപിഎസിൽ ആരംഭിക്കും. നാളെ രാവിലെ 11നു പതാക ഉയർത്തലിനു ശേഷം വാർഡ് അംഗം വേങ്കവിള സജിയുടെ അധ്യക്ഷതയിൽ നടക്കുന്ന സമ്മേളനത്തിൽ പഞ്ചായത്ത് പ്രസിഡന്റ് ആനാട് സുരേഷ് ക്യാംപ് ഉദ്ഘാടനം ചെയ്യും. 

the day of recruitment of the National Service Scheme will be started tomorrow in ramapuram ups

ഒന്നിനു സൗഹൃദ ഭക്ഷണവും വൈകുന്നേരം നാടൻപാട്ടുകളരിയും അരങ്ങേറും. 24നു ജൈവക്കൃഷി, ഗ്രൂപ്പ് ഡൈനാമിക്സ്, സർഗസംവാദം. 25നു ജലസമൃദ്ധി–നദി സംരക്ഷണം, കരകൗശലവസ്തു നിർമാണം, പണം വന്ന വഴി ക്ലാസ്. 26നു പേപ്പർബാഗ് നിർമാണം, മാനത്ത് നോക്കാം ക്ലാസ്. 

27നു ജൈവക്കൃഷി തുടർ പ്രവർത്തനം, സംവാദം, ജീവിതശൈലീ രോഗങ്ങൾ ക്ലാസ്. 28നു ജലസമൃദ്ധി തുടർപ്രവർത്തനം, പേപ്പർപേന നിർമാണം, നിയമപാഠം ക്ലാസ്. 29നു ജൈവവൈവിധ്യ പാർക്ക് നിർമാണം, തുടർന്നു നടക്കുന്ന സമാപന സമ്മേളനം പഞ്ചായത്ത് പ്രസിഡന്റിന്റെ അധ്യക്ഷതയിൽ ഡി.കെ.മുരളി എംഎൽഎ ഉദ്ഘാടനം ചെയ്യും. മൂന്നിനു ക്യംപ് അവലോകനം.