നെടുമങ്ങാട്: സ്കൂൾ കുട്ടികൾക്കു കഞ്ചാവു വിൽക്കുന്ന രണ്ടു യുവാക്കൾ അറസ്റ്റിൽ. ആനാട് വഞ്ചുവം പുത്തൻകരയ്ക്കകം വീട്ടിൽ അൻഷാദ് (19), കരിപ്പൂര് പേരില ഈന്തിക്കുന്ന് കിഴക്കുംകര പുത്തൻവീട്ടിൽ വിനീത് (19) എന്നിവരെയാണു വലിയമല എസ്ഐ വി.അജേഷും സംഘവും അറസ്റ്റ് ചെയ്തത്.
ചുള്ളിമാനൂർ എസ്എച്ച് യുപിഎസിനു സമീപം ബൈക്കിൽ കഞ്ചാവ് വിൽപനയിൽ ഏർപ്പെട്ടിരിക്കുമ്പോഴാണ് ഇവർ പിടിയിലായത്. ഇവരിൽനിന്നു നാലു പൊതി കഞ്ചാവ് പിടിച്ചെടുത്തു. ഒരു പൊതി കഞ്ചാവ് 300 മുതൽ 500 രൂപ വരെ നിരക്കിലാണു വിൽക്കുന്നതെന്ന് എസ്ഐ അറിയിച്ചു.
ഇവർ ഉൾപ്പെടെയുള്ള വൻ കഞ്ചാവ് റാക്കറ്റിനെക്കുറിച്ച് അന്വേഷണം ആരംഭിച്ചിട്ടുണ്ടെന്ന് എസ്ഐ പറഞ്ഞു. എസ്ഐയെ കൂടാതെ അഡീഷനൽ എസ്ഐ ഡി.ശശി, എസ്സിപിഒമാരായ അനിൽകുമാർ, അഭിജിത്ത്, റാംകുമാർ എന്നിവർ ചേർന്നാണു രണ്ടംഗ സംഘത്തെ പിടികൂടിയത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
കടപ്പാട്: മലയാള മനോരമ
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.