കാട്ടാക്കട: കോട്ടൂർ കാപ്പുകാട് ആനപരിപാലന കേന്ദ്രത്തിൽ പുതിയ അതിഥിയെത്തി. മൂന്നരമാസം പ്രായമുള്ള കുട്ടിക്കൊമ്പനാണ് ഇന്നലെ രാവിലെ എട്ടരയോടെ കാപ്പുകാട് ആന പരിപാലന കേന്ദ്രത്തിലെത്തിയത്. പ്രത്യേക കൂട്ടിൽ പരിചരിക്കുന്ന കുട്ടിയാനയുടെ ആരോഗ്യസ്ഥിതി മെച്ചപ്പെടുന്നതിനനുസരിച്ച് മറ്റുള്ള കുട്ടിയാനകൾക്കൊപ്പമാക്കും .കേന്ദ്രത്തിലിപ്പോൾ അഞ്ച് കുട്ടിയാനകളാണുള്ളത്. ഇന്നു വന്ന കൊമ്പനുൾപ്പെടെ മൂന്ന് കുട്ടിക്കൊമ്പൻമാരുണ്ട്.
ഒരു വയസ്സുമുതൽ മൂന്നരമാസം വരെ പ്രായമുള്ളതാണ് കുട്ടിയാനകളെല്ലാം. വലുതും ചെറുതുമായി കേന്ദ്രത്തിലിപ്പോൾ 17 ആനകളുണ്ട്. 78 കാരനായ സോമനാണു സീനിയർ. കഴിഞ്ഞ ചൊവ്വാഴ്ചയാണു നാടുകാണി ചുരം പാതയിലെ ഒന്നാം വളവിനു സമീപം പാറക്കെട്ടിലകപ്പെട്ട നിലയിൽ കുട്ടിക്കൊമ്പനെ വനംവകുപ്പിനു കിട്ടിയത്. വഴികടവ് നെല്ലികുന്നത്ത് വനം സ്റ്റേഷനിൽ പാർപ്പിച്ചിരിക്കുകയായിരുന്നു.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.