കാട്ടാക്കട: കാട്ടാക്കട കെ എസ് ആർ ടിസിയുടെ പുതിയ സർവ്വീസ് നാളെ മുതൽ ആരംഭിക്കുന്നു. കൊച്ചി അമൃത ആശുപത്രിയിലേക്ക് തിരുവനന്തപുരത്തു നിന്നുള്ള ആദ്യത്തെ സർവ്വീസാണിത്. ഈ സർവ്വീസിന്റെ ഉദ്ഘാടനം നാളെ രാവിലെ 6 മണിക്ക് ഐബി സതീഷ് എം എൽ എ നിർവ്വഹിക്കും. ഉദ്ഘാടന ദിവസം രാവിലെ 6 മണിക്കും, തുടർന്നുള്ള ദിവസങ്ങളിൽ പുലർച്ചെ 4 മണിക്കുമാണ് ഈ സർവീസ്. കാട്ടാക്കടയിൽ നിന്നും ആരംഭിക്കുന്ന ഈ സർവ്വീസ് ആര്യനാട് നെടുമങ്ങാട് വെഞ്ഞാറമൂട് കൊട്ടാരക്കര അടൂർ കോട്ടയം വൈറ്റില വഴി അമൃത മെഡിക്കൽ കോളേജിലേക്ക് എത്തിച്ചേരും.
ഇന്ന് ഈ റൂട്ടിൽ സ്വകര്യ ബസ് സർവ്വീസ് ആരംഭിക്കാനിരിക്കെ കെ എസ് ആർ ടി സിയിലെ യൂണിയനുകൾ എതിർക്കുകയും രാവിലെ സർവ്വീസ് തടയുകയും ചെയ്തതിനെത്തുടർന്ന് പോലീസ് ഇടപെട്ട് സ്വകാര്യബസ് കസ്റ്റടിയിലെടുക്കുകയായിരുന്നു. ഇതിനെത്തുടർന്ന് ഈ സർവ്വീസ് റദ്ദാക്കുകയും കെ എസ് ആർ ടി സി പുതിയ സർവ്വീസ് ആരംഭിക്കുകയുമായിരുന്നു.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.