തിരുവനന്തപുരം: ആറ്റുകാൽ പൊങ്കാല ഉൽസവത്തോടനുബന്ധിച്ച് ആറ്റുകാലിലും പരിസര പ്രദേശങ്ങളിലും ഗതാഗത ക്രമീകരണങ്ങൾ ഏർപ്പെടുത്തി കരമന, കിള്ളിപ്പാലം ഭാഗത്തുനിന്ന് ആറ്റുകാൽ ക്ഷേത്രത്തിലേക്കു വരുന്ന വാഹനങ്ങൾ ആറ്റുകാൽ പാർക്കിങ് ഗ്രൗണ്ടിൽ മാത്രം പാർക്ക് ചെയ്യണം. പാർക്കിങ് ഗ്രൗണ്ട് നിറഞ്ഞാൽ ചിറപ്പാലം വഴി പോയി ആറ്റുകാൽ ഹോമിയോ കോളജ് ഗ്രൗണ്ടിൽ പാർക്ക് ചെയ്യണം. മണക്കാട് ഭാഗത്തുനിന്ന് ആറ്റുകാൽ ക്ഷേത്രത്തിലേക്കു വരുന്ന വാഹനങ്ങൾ ആറ്റുകാൽ പാർക്കിങ് ഗ്രൗണ്ടിൽ മാത്രം പാർക്ക് ചെയ്യണം. പാർക്കിങ് ഗ്രൗണ്ട് നിറഞ്ഞാൽ ഗ്രന്ഥശാല, മേടമുക്ക് വഴി ആറ്റുകാൽ ഹോമിയോ കോളജ് ഗ്രൗണ്ടിൽ പാർക്ക് ചെയ്യണം. റോഡിനിരുവശവും പാർക്ക് ചെയ്തിരിക്കുന്ന വാഹനങ്ങൾ റിക്കവറി വാൻ ഉപയോഗിച്ചു മാറ്റും. ഡ്രൈവർമാർക്കെതിരെ നടപടിയെടുക്കും. ട്രാഫിക്കുമായി ബന്ധപ്പെട്ട അഭിപ്രായങ്ങൾക്കും നിർദേശങ്ങൾക്കും ഫോൺ: 0471–2558731, 2558732.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.