പത്തനംതിട്ട: രാത്രിയിൽ വീടു കയറി മദ്യവും സ്വർണ്ണവും കവർന്ന കേസിലെ രണ്ടു പ്രതികൾ പിടിയിൽ. വെഞ്ഞാറമൂട് അമ്പലമുക്ക് സ്വദേശി മംഗളവുവിളയിൽ ഷിബു(32), നെടുമങ്ങാട് പഴകുറ്റി നഗരികുന്ന് കോളനിയിൽ ചിറത്തലയ്ക്കൽ ഗോപു (42) എന്നിവരാണ് പിടിയിലായത്.
ഉതിമൂട് വലിയകലുങ്ക് ശബരിഗാർഡനിൽ സുകുമാരൻ നായരുടെ വീട്ടിൽ ഒരു മാസം മുമ്പ് നടന്ന മോഷണത്തിലെ പ്രതികളാണ് ഇവർ, മറ്റൊരു മോഷണ കേസിൻ്റെ അന്വേഷണത്തിനിടെ തിരുവല്ല പോലീസാണ് ഇവരെ പിടികൂടിയത്. മോഷണം നടത്തിയ സ്ഥലത്തു നിന്നും ഇവരുടെ വിരലടയാളം കിട്ടിയിരുന്നു. തിരുവല്ല പോലീസ് ഇവരുടെ വിരലടയാളം പരിശോധന നടത്തിയതു വഴി റാന്നി പോലീസ് അന്വേഷണം നടത്തുന്ന കേസിലേയും പ്രതികളാണെന്ന് ബോധ്യമാവുകയായിരുന്നു. തുടർന്ന് റാന്നി പോലീസ് ഇവരെ കസ്റ്റഡിയിൽ വാങ്ങുകയായിരുന്നു. കോടതിയിൽ ഹാജരാക്കിയ ശേഷം ഇവരെ തിരുവല്ല പോലീസിന് കൈമാറും.
.png)
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.